Jesaja 33:12 - O Debleskro Lab 2024 (Sinte-Manouche)

¹² Kol menshe an vavar themma venn rhačedo, te ačell či har parni yagakri čik. Har soubyengre bourra, hoy tele dino van, venn le rhačedo an i yag.

O Debleskro Drom 2021 (Sinte)

¹² Kol menshe an wawar themma wenn chatchedo, te atchell tchi har parni jagakri tchik. Har subjengre burra, hoi tele dino wan, wenn le chatchedo an i jag.

Jesaja 33:12 ပူးပေါင်းရင်းမြစ်များ

Debleskri gili 118:12

Yon peran ap mande pre har i bine. An i zoor o baro Deblestar nay tradom len pale. Har i yag sik vin djal, hoy an i soubyengre bourra rhačell, yaake sik his le krik.

Jesaja 10:17

Oun ko Devel, kay o Israeleskri momeli hi, vell i yag, ava, lengro Devel vell i yagakri čip, oun rhačrell i soubyengre bourra oun o soubyengro zenlepen pre ap yek dives.

Jesaja 27:4

Me hom bouder gar rhoyedo ap leste. Te hatsoms soubyengre bourra oun soubyengro zenlepen dren, djoms ap lende oun rhačroms len halauter pre.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jesaja 9:18

I rholi o baro Deblestar, ko rayestar pral o bolepen oun i phoub, hi har i yag: O them rhačell, oun i menshe rhačrenn ninna. Oun kek rovas o vavareske, oun hakeno dikas kokres ap peste.

Amos 2:1

O baro Devel penell: I menshe an o them Moab kran pale te pale djoungelo koova. Yon rhačran i kokale o baro rayestar dran o them Edom, bis te van le yagakri čik. Doleske lenn le pengri phagi, oun khaytenn man gar.