Jesaja 32:12 - O Debleskro Lab 2024 (Sinte-Manouche)

¹² Te dikenn t'mer, hoy vas dran i lači phoub oun dran i shoukar drakengre rouka, denn t'mare vasta khetne pral o shero oun rovenn!

O Debleskro Drom 2021 (Sinte)

¹² Te dikenn tumer, hoi was dran i latchi phub un dran i shukar drakengre ruka, denn tumare wasta khetne pral o shero un rowenn!

Jesaja 32:12 ပူးပေါင်းရင်းမြစ်များ

Jesaja 24:1

I dives vella, kay lell o baro Devel o djipen i phoubyatar krik. Oun i phoub vell i moulo them. Oun kova, hoy ap late tardo hi, vitsrell lo trouyel. Oun i menshe venn kate te kote tradedo:

Jesaja 24:7

I drakengro rouk merell, oun nevi mool dell gar. Kolenge, kay i barhtelo dji his, hi kanna ropaske.

Jesaja 32:13

Ap i harhetikri phoub mire menshendar venn soubyengre bourra oun soubyengro zenlepen baro. Rovenn ninna troul i khera, kay pherdo sapen his an ko barhtelo foro.

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Ezekiel 20:15

Me hadom miro vast pre, oun dom man sovel, te anau len gar an ko them, hoy lenge vin rodom, ko them, an koleste boudeder har doha thoud oun gvin hi, oun hoy shoukeder hi har i tsele vavar themma.

Ezekiel 20:6

Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

Joel 1:7

Či hi bouder ap mare drakengre rouka, kek patria hi bouder ap mare faygetikre rouka. Ninna lengro kasht hi nango oun parno, lauter hoy ap lende his, rhan le tele.

Nahum 2:7

Kol voudya pash i panya venn pre kerdo. Oun i daar taprell halauteren an o baro rayeskro kheer.