Jesaja 30:6 - O Debleskro Lab 2024 (Sinte-Manouche)

⁶ Kate sikrell o Devel, hoy pral i firhende an o moulo tato them Negev vella: An o them pherdi daar oun traash, kay djivenn o levo oun i levetsa, ninna čilače sapa oun vavar sapa, kolengro dandepen o merepen anell, kote hounte hidjrenn i bourike pharo koova ap pengro doumo, oun i khamele boud kouč koova ap pende, hoy anenn i menshe dran Youda pash kol menshende, kolendar yon či hi.

O Debleskro Drom 2021 (Sinte)

⁶ Kate sikrell o Dewel, hoi pral i viechende an o mulo tato them Negev wella: An o them pherdi daar un traash, kai djiwenn o lewo un i lewetsa, ninna tchilatche sapa un wawar sapa, kolengro dandepen o merepen anell, kote hunte hidjrenn i burike pharo koowa ap pengro dumo, un i khamele bud kutch koowa ap pende, hoi anenn i menshe dran Juda pash kol menshende, kolendar jon tchi hi.

Jesaja 30:6 ပူးပေါင်းရင်းမြစ်များ

1. Mose 12:9

Pal kova djas yob doureder oun vas pash ko them Negev.

1. Rajengro liil 10:2

Oun yoy vas an o foro Yerusalem. Oun boud lakre boudepangre van lah. Lakre khamele hidjran lačo soungepaskro djet oun boud sonakay oun kouč barra. Oun har yoy pash o Salomo vas, poučas li lestar halauter, hoy lat ap o dji his.

2. Familjakro liil 16:2

Kote las o Asa roup oun sonakay dran o bravlepen an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o baro rayeste pral o them Syria – leskro lab his Ben-Hadad – oun moukas leske te penell:

2. Familjakro liil 9:1

Oun koy rayetsa pral o them Saba shounas, har an-diklo o Salomo vas, oun vas pash leste an o foro Yerusalem, te poučell li lestar savo koova, hoy kek vavar djinell. Oun boud lakre boudepangre van lah. Lakre khamele hidjran lačo soungepaskro djet oun boud sonakay oun kouč barra. Oun har yoy pash o Salomo vas, poučas li lestar halauter, hoy lat ap o dji his.

Hiob 39:11

Fothe zorelo yob hi, nay deh tou leske tiri boudi an o vast, oun nay djineh, te krell lo, hoy tou lestar kameh?

2. Mose 1:14

Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jesaja 15:7

Doleske anenn le pengro koova, hoy le khetne lan, oun hoy lenge ačas, oun hidjrenn kova ap i vavar rig o panyestar Ha-Arabim.

Jesaja 19:4

Oun me dau o them Egiptia an o vast i čilačo rayestar. Ava, yek, kay djal zoryah ap lende, vell lengro baro ray. Kova penell o baro Devel, ko ray pral o bolepen oun i phoub.

Jesaja 35:9

Kek levo hi kote; vitar kek vavar firho, hoy vavar firhen rhal, djal ap ko drom; save firhe venn gar kote hatslo. Ap kava drom djan kokres save menshe, kolen o baro Devel vin las dran o pandepen.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 57:9

Tou djal lačo djeteha pash o debleste Molok, oun ap toute čival boud kouč djet, hoy mishto soungella. Tou bičral morshen an dour themma, bis an o moulengro them, te anenn le touke vavar deblen.

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Jeremia 11:4

Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Hosea 12:2

O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Micha 6:14

Te rhan t'mer čomone, venn gar čalo. Oun kova, hoy t'mer t'menge ap i rig čivenn, nay rikrenn gar. Kova, hoy t'menge ačas, krau paash an o kourepen.

Zakarie 6:6

I kale graya djan ap i servi rig, i parne graya djan ap i rig, kay o kham tele djal, oun i kalo-parne graya djan ap i čači rig.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

4. Mose 21:8

Koy penas o baro Devel ap o Moseste: “Kre touke i sap dran saster! Oun čip les ap i lengsto kasht! Koon dandedo vas oun dikell koy pre, kova ačell djido.”

Mateo 12:42

Ap ko dives, kay rakrell o Devel o čačepen vin pral i tsele menshende, stella ninna i bari rani dran o foro Saba pre. Oun yoy penella, te hi kol menshe čilačo, kay kanna djivenna. Glan i rah tsiro, vas yoy dran i dour them, oun vas pash o baro ray Salomo, te shounell li leskre goseve laba. Kava, kay glan t'mende tardo hi, kava hi bareder har o baro ray Salomo.

5. Mose 17:16

T'maro rayes hounte vell gar boud graya oun hounte bičrell gar i Israelitaryen pale an o them Egiptia, te ginenn le leske graya. O baro Devel penas t'menge, te djan t'mer kava drom gar bouder pale.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

5. Mose 8:15

Yob sikras t'men o drom an ko baro moulo tato them, kay t'men daar his, an koleste čilače sapa oun skorpione hi. Kote, kay o kham lauter pre rhačras, oun kek pani dell, moukas lo t'menge pani dran i baro zorelo bar te nashell,