Jesaja 30:30 - O Debleskro Lab 2024 (Sinte-Manouche)

³⁰ Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

O Debleskro Drom 2021 (Sinte)

³⁰ Palle mukell o baro Dewel peskri bari soreli gole te shunell, un i menshe dikenna, har leskri mussi tele dell an i choli. Kote hi jag, hoi trul peste chal, un baro sorelo brishin, un i sorelo phurdepen un brishineskre barra.

Jesaja 30:30 ပူးပေါင်းရင်းမြစ်များ

Hiob 38:22

Val tou yaake dour, kay garau o gib pre? Dikal, kay rikrau i brishineskre barra i tsireske hoy vella?

Hiob 38:23

Kolla rikrau pale ko tsireske, kay douka, kourepen oun marepen venna.

Hiob 40:9

Hi tout savi bari zoor har man? Nay rakreh tou savi zoryah har me?

Debleskri gili 2:5

Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo:

Debleskri gili 46:6

O Devel hi mashkral leste, doleske perell o foro gar khetne. O Devel vell ap leskri rig sik taysarlakro.

Debleskri gili 98:1

I gili Givenn o baro Debleske i nevi gili! Yob kras baro koova. Peskro vasteha oun Debleskri zoryah vas lo o zorleder pral o čilačepen.

2. Mose 15:16

I trashatar his le har bango. Tiri zoryatar van le har barra, har tou moukal tire menshen glan lende vin te djal, tire menshen, kay tou touke vin rodal, baro Devel.

2. Mose 9:23

Kote hadas o Mose peskro kasht pre ap o bolepen. Oun o baro Devel moukas barrengro brishin ap i phoub te perell. Oun o bolepen das bari gole, oun das yag karye pral oun tele ap i phoub. Ko brishin, kay yag pral oun tele karye das, oun brishineskre barra ap i phoub peran, kova his yaake pharo, har gomme gar das, yaake rah har i menshe an o them Egiptia djivenna.

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 10:26

Palle dau len i čoupniyah, me, o baro Devel, ko ray pral o bolepen oun i phoub, yaake har dom an o phouro tsiro i menshen dran o them Midian pash ko baro bar, hoy kharell Oreb. Oun me hadau miro kasht yaake pral o baro pani, har krom an o them Egiptia.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jesaja 30:31

I Assirya lenn bari traash, te shounenn le o baro Debleskro rakepen, oun dikenn, te dell lo len peskro kashteha.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Jesaja 32:19

Ninna te denn brishineskre barra o veesh paash, oun o foro djal tele,

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 4:6

har i kheer, kay djan le dren, te rhačrell o kham tella, oun kay nay khatrenn le pen, te dell brishin oun phourdell i zorelo dourho.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Jesaja 66:16

I yagah oun peskro rhareha krell o baro Devel o čačepen vin pral i tsele menshende, oun boud lendar venn yaake maredo.

Jeremia 25:32

O baro Devel, ko ray pral o bolepen oun i phoub penell: Shounenn, Bibarht vell pral yek them pal o vavar. Oun miri rholi hadell pes har i pharo phourdepen, hoy vell foun doural.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.

Ezekiel 13:13

Kava penell o baro Devel, maro ray: An miri tati rholi moukau me i zorelo dourho vin te phagell, oun i zorelo brishin te vell, oun brishineskre barra te perell, te vell i massouri paash dino.

Joel 2:5

Te stenn le pral i berge, hi koy gole har i gole, hoy i vourdya krenn, oun har i yag an o phouss, ava, har zorele kourepangre, kay o marepaske rido hi.

Amos 1:14

Me bičrau i yag ap i foreskre massurya o forestar Rabba, hoy rhačrell leskre zorele khera tele, ap ko dives, kay vell o kourepaskri gole dino, oun o kourepen vin phagell har i baro phourdepen.

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Mateo 24:7

I pralstoune pral bare themma kourenn pen i vavar pralstunentsa. Oun i menshe dran yek them marenn kolen an i vavar them. An boud themma hi i menshen gar doha te rhal. Oun kate oun kote vell i phoub trisslemen.

Louka 1:51

Oun yob hadas peskri zoreli moussi, oun tradas kolen krik, kay kran pen kokres bares.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Josua 10:10

Oun o baro Devel kras len yaake dareno, te nay maran len i Israelitarya phares pash o foro Gibeon. Oun yon lan len palla ap ko drom tele pash o foro Bet-Horon, oun maran len bis pash i forya Aseka oun Makkeda.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Debleskro tsiro 1:15

Oun leskre herya his har dran sonakay, hoy an o bob rhačedo oun thodo vella. Oun leskro rakepen his har i gole i baro panyestar, hoy dour tele perella.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

1. Samuel 7:10

Oun har yob gomme o bakres rhačras, van i Filistarya te kourenn le pen i Israelentsa. Oun o baro Devel moukas o bolepen bari gole te dell pral lende ap ko dives, yaake te tapras kol Filistaryen i bari daar, oun yon nashan penge glan i Israelitarya.