Jesaja 30:28 - O Debleskro Lab 2024 (Sinte-Manouche)

²⁸ Oun leskro dourho hi yaake zorelo har i pani, hoy zoryah nashell, oun hoy i mensheske bis pash i meen djala. Yob lell i natsyone oun vitsrell len trouyel, oun trissell len, bis te gar boud lendar pral ačenn. Oun yob čivell saster an lengre mouya, har te vans le graya, oun tradell len koleha kate te kote.

O Debleskro Drom 2021 (Sinte)

²⁸ Un leskro ducho hi jaake sorelo har i pani, hoi sorjah nashell, un hoi i mensheske bis pash i meen djala. Job lell i natsjone un witsrell len trujel, un trissell len, bis te gar bud lendar pral atchenn. Un job tchiwell saster an lengre muja, har te wans le graja, un tradell len koleha kate te kote.

Jesaja 30:28 ပူးပေါင်းရင်းမြစ်များ

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

2. Rajengro liil 19:28

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pal.

Hiob 39:17

O Devel das lat kek gosvepen, oun kras, te hayvell li či.

Debleskri gili 18:15

Oun yob das yag karye dran o bolepen kate te kote, oun tradas i volke krik.

Debleskri gili 32:9

“Ma avenn dinele har i graya, oun i maultikre bourike! Lenge hounte čivess i shello trouyel oun i saster an o mouy, te nay aness len kote, kay kameh.”

Gosewe laba 26:3

I čoupni o grayeske, oun i ledertikri rima troul i meen i eslatar, oun i kasht ap o doumo i dinelestar.

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 19:3

Palle djinenn i Egiptarya gar bouder, hoy te krenn le. Oun me krau, te djal lenge gar, hoy kamenn le te krell. Oun palle djan le pash pengre rhorhene deblen, te poučenn le lendar, oun pash kolende, kay i moulen poučenn, oun pash i dourkepangren oun dravepangren.

Jesaja 28:15

T'mer penan: “Mer kram vin o merepah oun o moulengro themeha, te vas menge či. Ninna te venn i lourde dran vavar themma har i baro zorelo pani pral mende, venn le gar zorleder har mer.” T'mer patsenn, te nay khatrenn t'men pal t'mare rhorhene laba oun pal ko rhorhepen, hoy kran.

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 37:29

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pale.

Jesaja 59:19

Palle taprell i daar i menshen ap i tseli phoub glan o baro Debleste oun leskro raylepen. Yob vella har i divyo zorelo pani hoy nashella, koles o dourho o baro Deblestar glan peste phourdell.

Jesaja 63:17

Hoske, baro Devel, moukeh tou men tire dromendar tele te djal, te kram mare djia har bar, yaake te djivam bouder gar touha? Ab pale pash mende! Ma biste tire boudepangre! Mer ham tire menshe.

Jesaja 8:8

Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Amos 9:9

Me rakrau oun kova djal yaake: Yaake har djob an i ziba pal hake rigya vitsedo vell, oun i djoba vin perenn, oun i barra dren ačenn, yaake krau, te vell o kheer Israel pal hake rigya vitsedo an kol themma, kay le tradedo van.

Mateo 3:12

Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy hako tsiro rhačella.”

Louka 22:31

“Simon, Simon, shoun, hoy me touke penau: O beng las t'men an o yak oun kamas te dikell, har zorelo t'maro patsepen hi.

2. Tessalonikarja 2:11

Yon patsan gar o čačepen. Doleske moukell len o Devel an ko rhorhepen te perell. Doleske moukell lo len kol rhorhene laba te patsell.

2. Tessalonikarja 2:8

palle sikrell pes ko čilačo mensho, har yob čačepah hi. Koles marell maro ray Yezous ap ko dives, kay vell lo pale. Yob phourdell ap leste, oun kova merella.

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 2:16

Krenn kanna ko čilačo koova bouder gar! Te moukenn t'mer kova gar, palle vau an i tikno tsiro, oun čingrau ap kolende, kay shounan gar ap mande. Oun miro rakepen činella har i rharo.