Jesaja 30:17 - O Debleskro Lab 2024 (Sinte-Manouche)

¹⁷ I zero morsha t'mendar nashenn penge glan yekeste, kay peskro mouy pre krell oun penell Kanna lenn t'mare dava. Ava, glan panč savendar nashenn t'mer lauter krik. T'mare tsele lourdendar ačell či pral har koy plarhta ap i kasht, hoy pre tardo čivan pral ap i berga, te dikenn le lat foun doural.

O Debleskro Drom 2021 (Sinte)

¹⁷ I sero mursha tumendar nashenn penge glan jekeste, kai peskro mui pre krell un penell ‘Kanna lenn tumare dawa.’ Awa, glan pantch sawendar nashenn tumer lauter krik. Tumare tsele lurdendar atchell tchi pral har koi plachta ap i kasht, hoi pre tardo tchiwan pral ap i berga, te dikenn le lat fun dural.

Jesaja 30:17 ပူးပေါင်းရင်းမြစ်များ

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jeremia 37:10

Te nay marans t'mer ninna i tsele lourden dran o them Babilonia khetne, kolla kay kourenn pen t'mentsa, oun te ačans lendar kokres i vast pherdo pral, kay doukedo hi, palle stakrans le dran pengre plarhtene khera pre, oun rhačrans kava fores tele.

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

3. Mose 26:36

Kolla, kay t'mendar pral ačenn an kol vavar themma, kay le pandle hi, kolen krau yaake dareno, te vell len daar glan i patri, hoy krik phourdedo vell. Lestar nashenn le, har te lals yek len o rhareha palla. Oun yon perenn, oun yek perell pral o vavareste, ninna te hi kek koy, kay len palla las. Oun t'men hi kek zoor, te kourenn t'men kolentsa, kay ap t'mende djan.

3. Mose 26:8

Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.

Zefanja 3:12

Kokres čorvele menshen, oun saven, kay rikrenn gar boud pendar, moukau djido an tiro them. Kolla patsenn pengro tselo djiyeha ap o baro Debleste.

Remarja 11:17

I bibolde hi har i lačo djeteskro rouk. Ko lačo djeteskro roukestar van kashta tele činlo. T'mer han har i kasht o divyo roukestar. Oun t'mer van ap ko djeteskro rouk dren čiddo, oun djivenn lestar, oun lenn i zoor lestar.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

Josua 23:10

Yek morsh t'mendar tradell yek-sero morshen. T'maro baro Devel, yob hi kova, kay kourell pes t'menge lentsa, yaake har lo penas.