Jesaja 3:12 - O Debleskro Lab 2024 (Sinte-Manouche)

¹² Mire menshe, penell o baro Devel, t'mare pralstoune hi čave. Oun djouvya hi i raya pral t'mende. Kolla kay hounte sikrans t'menge o drom, anenn t'men o čačo dromestar tele, oun krenn, te nashrenn t'men.

O Debleskro Drom 2021 (Sinte)

¹² Mire menshe, penell o baro Dewel, tumare pralstune hi tchawe. Un djuwja hi i raja pral tumende. Kolla kai hunte sikrans tumenge o drom, anenn tumen o tchatcho dromestar tele, un krenn, te nashrenn tumen.

Jesaja 3:12 ပူးပေါင်းရင်းမြစ်များ

2. Rajengro liil 11:1

Har o Ahasya moulo his, stas leskri day, i Atalya, pre, te marell li hakenes, kay o baro rayeha dran yek familya vas.

Hiob 30:13

Yon kran bare rhebya an miro drom, te nashap mange gar. Oun kek hi koy, kay len pale rikrell.

Gosewe laba 28:16

I ray, kay hayvell gar mishto peskre menshentsa trouyel te djal, krell boud doosh. Koles, kay kamell gar rhorhepah braveles te vell, koles vell i lengsto djipen.

Sikepaskro 10:16

Djungeles djal i menshenge an i them, koleskro baro ray i čavo hi, oun kay i pralstoune taysarlakro rhapangre hi!

Jesaja 19:14

O baro Devel kras, te venn le har mato oun rakrenn savo koova, te djinenn i Egiptarya bouder gar, hoy te krenn. Yaake perenn le yek rigyatar ap i vavar har i mato, kay perell an peskro čadepen.

Jesaja 3:4

Yob penell: Me moukau terne morshen pral lende ray te vell, kay lentsa krenn, hoy le kamenn.

Jesaja 51:22

Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

Nahum 3:13

Tire kourepangre – har djouvya van le! I voudya glan tiro them hi dour pre, te nay djan kolla dren, kay kamenn tout te marell. I yag rhačrell kol zorele kashta, kolentsa i bare voudya pandle hi.

Mateo 15:14

Moukenn le te rakrell! Yon hi korele oun kamenn i korelen ap o vast te lenn. Oun te lell i korelo i koreles ap o vast, perenn hake douy.”

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.