Jesaja 29:8 - O Debleskro Lab 2024 (Sinte-Manouche)

⁸ Yek, kay bokella, dell souni, te rhal lo. Oun te krell lo peskre yaka pre, hi les gomme bok. Oun yek, kay troushella, dell souni, te piyell lo. Oun te krell lo peskre yaka pre, hi les troush, oun leskro mouy hi trouk. Yaake djal kol menshenge dran i tsele themma, kay djan an o kourepen i bergah Sion.

O Debleskro Drom 2021 (Sinte)

⁸ Jek, kai bokella, dell suni, te chal lo. Un te krell lo peskre jaka pre, hi les gomme bok. Un jek, kai trushella, dell suni, te pijell lo. Un te krell lo peskre jaka pre, hi les trush, un leskro mui hi truk. Jaake djal kol menshenge dran i tsele themma, kai djan an o kurepen i bergah Zion.

Jesaja 29:8 ပူးပေါင်းရင်းမြစ်များ

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Debleskri gili 129:5

Kolla, kay rhoyrenn pen ap o foro Yerusalem, kamoms, te tserdenn le pen pale oun hounte ladjenn pen!

Debleskri gili 73:20

Yon hi har i souni, hoy yek bistrell, te stell lo pre. Yaake bistreh tou len ap ko tsiro, kay hadeh tout tou, baro Devel.

Jesaja 41:11

Dik, ladj vell ap lauterende, kay hi rhoyedo touha, oun yon venn sapaske i vavarenge. Oun kolla, kay kourenn pen touha, hi sik bouder gar koy. Či ačell lendar.

Jesaja 41:12

Tou rodeh len palle, oun nay hatseh len gar. Kol morsha, kay pen touha čingrenn, har či hi le. Oun har vans le gar koy, venn kol morsha, kay kouran pen touha.

Jesaja 44:12

Ko boudepaskro, kay boudrell o sasteha, čivell o saster an i yag oun krell i čouri dran leste, oun peskri zoreli moussyah dell lo koy pre. Palle lell lo bok oun nay boudrell gar doureder, oun yob lell troush oun leskri zoor djal peske.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Nahum 2:1

T'mer menshe an Youda, dikenn: Pral i berge vell i morsh, kay anell i lačo lab. Yob penell: O kourepaskro tsiro hi trouyel! Rikrenn pale t'mare bare divessa oun avenn barhtelo koy dren! Denn o Debleske kova, koleske t'men sovel dan. Ko čilačo, kay halauter paash das, vell bouder gar an t'maro them. Yob hi bouder gar koy.