Jesaja 29:7 - O Debleskro Lab 2024 (Sinte-Manouche)

⁷ Oun kol tsele natsyone, kay pengre boud lourdentsa ap o foro Ariel djan, oun o foro dren pandan, oun leske daar kran, kolla hi yaake sik krik, har djal i souni krik, oun kova, hoy yek an i souni dikas.

O Debleskro Drom 2021 (Sinte)

⁷ Un kol tsele natsjone, kai pengre bud lurdentsa ap o foro Arijel djan, un o foro dren pandan, un leske daar kran, kolla hi jaake sik krik, har djal i suni krik, un kowa, hoi jek an i suni dikas.

Jesaja 29:7 ပူးပေါင်းရင်းမြစ်များ

Hiob 20:8

Yob djal krik har i souni, oun vell bouder gar hatslo. Har kova, hoy yek souni das, bouder gar koy hi, yaake ačell či lestar.

Debleskri gili 73:20

Yon hi har i souni, hoy yek bistrell, te stell lo pre. Yaake bistreh tou len ap ko tsiro, kay hadeh tout tou, baro Devel.

Jesaja 17:14

Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jesaja 40:17

I tsele themma hi har či glan leste, oun hi leske či moldo yaake har te vans le gar.

Nahum 2:1

T'mer menshe an Youda, dikenn: Pral i berge vell i morsh, kay anell i lačo lab. Yob penell: O kourepaskro tsiro hi trouyel! Rikrenn pale t'mare bare divessa oun avenn barhtelo koy dren! Denn o Debleske kova, koleske t'men sovel dan. Ko čilačo, kay halauter paash das, vell bouder gar an t'maro them. Yob hi bouder gar koy.

Zakarie 12:9

“An ko tsiro”, penell o baro Devel, “rodau te marap kol tsele natsyonen, kay djan an o kourepen o foreha Yerusalem.