Jesaja 29:5 - O Debleskro Lab 2024 (Sinte-Manouche)

⁵ Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

O Debleskro Drom 2021 (Sinte)

⁵ Ap jek kopo wenn kol bud bud lurde, kai ap tumende djan, krik phurdedo har i stauba. Un kol sorele kurepangre hi har o phuss, hoi krik phurdedo well un buder gar koi hi. Jaake sik, har jek i jakentsa dell,

Jesaja 29:5 ပူးပေါင်းရင်းမြစ်များ

Hiob 21:18

oun phourdas les krik, har phourdell i dourho o phouss krik, oun har hidjrell i zorelo phourdepen o čik krik.

Debleskri gili 1:4

Yaake hi i čilačentsa gar. Yon hi har čik, hoy i dourho krik phourdell.

Debleskri gili 35:5

Mou tradell len o baro Debleskro bolepaskro krik, yaake te venn le har phouss, hoy i dourho krik phourdell!

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 25:3

Doleske sharenn tout i menshe an zorele themma. Oun i menshe an forya, kay lengre pralstoune i zoryah ap lende djan, mangenn tout an.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 25:5

oun har o kham an o tato tsiro, hoy lauter rhačrell. Tou kral, te hounte moukan le mendar tele, kolla, kay van dran vavar themma, oun djan divyes ap mende pre. Yaake har djal o tatepen krik, te venn volke glan o kham, yaake lal lendar lengro gipen krik, hoy givan le pral ko baro koova, hoy le kran.

Jesaja 29:20

Zorele raya, kay i vavaren tele rikran, nashrenn pengri zoor. Oun i pre-phourde hi bouder gar koy. Oun maredo venn halauter, kay kaman i bibarht pral i vavarende te anell,

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Jesaja 31:3

I Egiptarya hi menshe oun kek debla. Oun lengre graya hi firhe, – len hi kek debleskri zoor. Ap ko tsiro, kay hadell o baro Devel peskro vast pre, te dell lo len, perenn kolla, kay van i vavarenge ap i rig, khetne kolentsa. Oun khetne merenn le.

Jesaja 31:8

I Assirya venn dino o rhareha. Kek rharo, hoy i mensho hadell, marell len. Na-a, o Debleskro rharo dell len moulo. Oun yon nashenn penge glan ko rharo, oun lengre terne morsha venn tapedo oun venn pandle boudepangre.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jesaja 40:15

Dik, i menshe dran vavar themma hi leske gar boudeder moldo har o pani, hoy ap o khoro tele nashell, oun har i stauba, hoy ap i vaga čiddo ačas. Dik, i tikne themma an o baro pani hidjrell lo pre, har te vans le i vast pherdo čik.

Jesaja 41:11

Dik, ladj vell ap lauterende, kay hi rhoyedo touha, oun yon venn sapaske i vavarenge. Oun kolla, kay kourenn pen touha, hi sik bouder gar koy. Či ačell lendar.

Jesaja 41:15

Yaake har dell i harho o djob vin peskro činepaskro vourdineha, yaake krau toutar i nevo činepaskro vourdin, koles sasterne danda hi har čourya, te dess i berge khetne, te venn le čik, oun i tikne berge har phouss, hoy i dourho krik phourdell.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 47:11

Kanna vell i bibarht pral toute, hoy tou nay gar krik dravereh. Ava, bibarht perell ap toute, kolatar nay nasheh gar touke. Oun yaake sik vell koy bibarht pral toute, te nay dikeh lat gar glan-vi.

Jesaja 48:3

An o phouro tsiro penom t'menge glan-vi, hoy vella. Dran miro mouy djas kova vin. Me moukom les te shounell. Oun yaake sik, har yek i yaka dell, krom kova, oun lauter vas yaake, har glan-vi penom.

Amos 5:9

Pral o zoreleste anell yob bibarht, oun o zorelo foro phagell lo tele.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.