Jesaja 29:24 - O Debleskro Lab 2024 (Sinte-Manouche)

²⁴ Oun kolla, hoy či hayvan, hayvenn palle, hoy mishto oun gar mishto hi. Oun kolla, kay moukenn pen či te penell, lenn kova an, hoy lenge siklo vell.

O Debleskro Drom 2021 (Sinte)

²⁴ Un kolla, hoi tchi haiwan, haiwenn palle, hoi mishto un gar mishto hi. Un kolla, kai mukenn pen tchi te penell, lenn kowa an, hoi lenge siklo well.

Jesaja 29:24 ပူးပေါင်းရင်းမြစ်များ

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Jesaja 32:4

Oun kolla, kay rakran gar pengro djiyeha glan te krenn le čomone, yon dikenn kanna dren, hoy mishto oun gar mishto hi. Oun kolla, kay kek lab vin anan, rakrenn pale mishto, oun i laba nashenn har pani dran lengro mouy.

Jesaja 41:20

Kova vell yaake, te dikenn i menshe oun hayvenn, oun dikenn dren oun djinenn: Dran i zoor o baro Deblestar vas kova yaake. Ava, o Israeleskro čačo Devel kras kava halauter.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Louka 7:47

Oun me penau touke kanna: Lakri bari doosh hi latar krik lino. Doleske kamell li man o tselo djiyeha. Koneske gar boud doosh krik lino vella, kova kamell man gar i tselo djiyeha.”

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

Bičepangre 6:7

O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Hebrearja 5:2

O baro rashay hayvell mishto, har kolenge djala, kay peran o Debleskro dromestar tele, ninna te djinan le gar, kay hi kova čilačo, hoy yon kran. Yob hi i mensho har yon, oun les hi gar i zoor pral o čilačepen.