Jesaja 29:17 - O Debleskro Lab 2024 (Sinte-Manouche)

¹⁷ Čačepah an i tikno tsiro vell o veesh ap i berga Libanon i djobeskro them. Oun hoy kanna i djobeskro them hi, vell palle i veesh.

O Debleskro Drom 2021 (Sinte)

¹⁷ Tchatchepah an i tikno tsiro well o weesh ap i berga Libanon i djobeskro them. Un hoi kanna i djobeskro them hi, well palle i weesh.

Jesaja 29:17 ပူးပေါင်းရင်းမြစ်များ

Debleskri gili 107:33

Dran o them, kay pani nashell, kras lo i moulo them, oun moukas kol lengste panya bouder gar te nashell.

Debleskri gili 107:35

Oun pale moukas lo an o moulo them boud pani te nashell, oun dran i trouk phoub pani te vell.

Debleskri gili 84:6

Barhteles hi kol menshe, kolengri zoor an toute hi, oun kay o djiyestar pash tiro kheer djan.

Jesaja 32:15

Yaake ačell kova bis an ko tsiro, kay čorell o Devel peskro dourho pral mende vin. Palle vell o moulo them i lačo them, kay yaake boud djob tardo hi, te dikell vin har i veesh.

Jesaja 41:19

An o moulo tato them moukau rouka bares te vell: cedertikre rouka, akatstikre rouka, mirtetikre rouka oun djeteskre rouka. Oun o divyo trouk them vell pherde soubyengre rouka oun vavar rouka.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jesaja 63:18

I tikno tsiro tradan menshe dran vavar themma men, tire menshen, dran maro them. Kolla, kay kouran pen mentsa, stakran tiro kheer khetne, kay tou khere hals.

Hosea 3:4

Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Haggai 2:6

Doleske penell o baro Devel, ko ray pral o bolepen oun i phoub: An i tikno tsiro krau me, te trissenn o bolepen oun i phoub, o baro pani oun o trouk them.

Mateo 19:30

Oun boud, kay kanna glan tardo hi, kolla hi ap ko dives palla tardo. Oun boud, kay kanna palla tardo hi, kolla hi ap ko dives glan tardo.”

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Hebrearja 10:37

An o Debleskro lab hi činlo: Ko tsiro vella sik, kay vell kova, kay hounte vella. Yob moukell pes gar ap o drom pale te rikrell. O Devel penas: Koon ap mande patsella, kova hi čačo glan mire yaka. Oun yob lell o djipen. Koon miro drom moukella, ap koleste dikau gar lačes.