Jesaja 29:14 - O Debleskro Lab 2024 (Sinte-Manouche)

¹⁴ Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

O Debleskro Drom 2021 (Sinte)

¹⁴ Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jesaja 29:14 ပူးပေါင်းရင်းမြစ်များ

Hiob 12:17

Kol pralstoune, hoy i rayenge penenn, hoy te krenn le, kolendar lell lo lengro gosvepen krik, oun krell i čačepangre rayen dinelo.

Hiob 5:13

Yob taprell i goseven an pengro gosvepen. Oun kova, hoy kolla douy čipyentsa mank pende vin kran, kova moukell lo gar te djal.

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 19:3

Palle djinenn i Egiptarya gar bouder, hoy te krenn le. Oun me krau, te djal lenge gar, hoy kamenn le te krell. Oun palle djan le pash pengre rhorhene deblen, te poučenn le lendar, oun pash kolende, kay i moulen poučenn, oun pash i dourkepangren oun dravepangren.

Jesaja 28:21

O baro Devel stell pre, har kras lo pash i berga Perassim, oun vell rhoyedo har an i tala Gibeon, te krell lo lauter, hoy yob peske glan las. Oun kova hoy yob kanna krell, hayvenn t'mer gar. Kova vell t'menge yaake glan, har te vals gar lestar.

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

Jesaja 63:17

Hoske, baro Devel, moukeh tou men tire dromendar tele te djal, te kram mare djia har bar, yaake te djivam bouder gar touha? Ab pale pash mende! Ma biste tire boudepangre! Mer ham tire menshe.

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jeremia 19:7

Hoy kol menshe an o them Youda oun an Yerusalem penge glan lenn, moukau me gar te vell. Me moukau kolen pral lende te vell, kay kamenn len te marell, oun krau, te venn le moulo dino o rhareha. Oun kol moulen dau i čirklende oun i divye firhende rhapaske.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Obadja 1:8

Me, o baro Devel penau: An ko tsiro lau i goseven an o them Edom krik. Oun ap i berge Esau djinell bouder kek, hoy te krell.

Habakuk 1:5

[O Devel penell:] Dikenn t'men trouyel pash i menshende an vavar themma! T'mer krenn bare yaka, hoy dikenna! Me krau čomone an t'mare tsirya, hoy t'mer gar patsenna, te vals t'menge kova penlo.

Louka 10:24

Me penau t'menge: Boud Debleskre rakepangre oun bare raya kaman te dikell, hoy t'mer dikenna, oun dikan les gar. Oun yon kaman te shounell, hoy t'mer shounenna, oun shounan les gar.”

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

1. Korintarja 3:19

Kova, hoy pash i menshende gosvepen hi, hi an o Debleskre yaka dinlepen. An o Debleskro lab hi činlo: O Devel taprell kolen an lengro rhorhepen, kay penenn pendar, kay yon gosevo hi.