Jesaja 29:13 - O Debleskro Lab 2024 (Sinte-Manouche)

¹³ O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

O Debleskro Drom 2021 (Sinte)

¹³ O baro Dewel, maro rai, penas: Kal menshe sharenn man labentsa. Lengre tchipja hadenn man. Lengre djia hi dur krik mandar. Te mangenn le man an, rakrenn le palla, hoi lenge glan penlo was.

Jesaja 29:13 ပူးပေါင်းရင်းမြစ်များ

Debleskri gili 17:1

I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!

Debleskri gili 50:16

Ap o čilačeste penell o Devel: “Hoske leh tou mire laba an o mouy? Hoske peneh, me voms tiro Devel?

Gosewe laba 30:6

Čip kek lab pash kova pashel, hoy yob penas, te dell lo tout gar trad, oun hakeno dikell, kay hal i rhorheno.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 29:1

Djungeles djal t'menge an o foro Ariel, ko foro, kay o David djivas! Djungeles djal t'menge, ninna te moukenn gar tele oun venn hako bersh, te rikrenn t'mare bare divessa!

Jesaja 29:12

Oun palle dell lo ko liil yekeste, kay hayvell gar te draverell, oun penell: Drave mange glan, hoy činlo hi. Oun kova penell: Me hayvau gar te draverell.

Jesaja 30:11

Djan tele t'maro dromestar! Moukenn o čačo drom! Penenn menge bouder gar, hoy o Israeleskro Devel penell.”

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Jesaja 63:17

Hoske, baro Devel, moukeh tou men tire dromendar tele te djal, te kram mare djia har bar, yaake te djivam bouder gar touha? Ab pale pash mende! Ma biste tire boudepangre! Mer ham tire menshe.

Jeremia 12:2

Yon hi har rouka, kay tou čival an i phoub. Yon van baro oun zorelo, oun hidjrenn boud roukengre. Lengro mouy rakrell lačepen toutar, lengro dji hi dour toutar krik.

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Jeremia 42:20

T'mer bičran man pash t'maro baro Debleste, oun penan: “Pouč maro baro Deblestar menge, oun pen menge halauter, hoy lo penell, te kras mer kova.” Te shounenn t'mer kanna gar ap leste, anenn t'mer t'men an i bibarht.

Jeremia 5:2

Ninna te denn yon pen sovel pash o djido Debleste, hi kova rhorhepen.

Ezekiel 14:1

Oun pash mande van morsha i phourendar dran Israel, oun yon beshan pen glan mande tele.

Ezekiel 33:30

Tou, mensho, i menshe dran tiro them rakrenn pral toute an o foro oun glan lengre khera, oun penenn yek ap o vavareste: “Avenn oun shounenn, hoy o baro Devel penas!”

Hosea 7:14

Te denn le gole ap mande, vell kova gar dran lengro dji. Čiddo hi le ap pengro čiben oun rovenna zoreles, oun činenn pen ratles, te vell len djob oun mool. Ap mande shounenn le gar.

Kolossarja 2:22

Me penau: Ko koova hi rhapaske oun ačell gar. Kol laba hi menshengre laba.

1. Samuel 15:30

“Me lom doosh ap mande”, penas o Saul pale. “Ninna te hi yaake, mangau tout, hade man glan i phourende mire menshendar oun glan o Israel, oun dja mantsa pale, te nay sharap tiro baro Debles.”