Jesaja 28:7 - O Debleskro Lab 2024 (Sinte-Manouche)

⁷ Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

O Debleskro Drom 2021 (Sinte)

⁷ Ninna i rashaja un o Debleskre rakepangre hi mato i moljatar, un perenn jek rigjatar ap i wawar o sorelo pipastar, hoi le pijan. Jaake bud mool un sorelo pipen pijan le, te nai atchenn le buder gar tardo. Te rakrenn le o Debleskro lab win, hi le mato koi pashel. Te krenn le o tchatchepen win, perenn le jek rigjatar ap i wawar.

Jesaja 28:7 ပူးပေါင်းရင်းမြစ်များ

Debleskri gili 107:27

oun nay rikran pen gar ap i herya, har te vans le mate, oun djinan bouder gar, hoy te krenn le.

Gosewe laba 20:1

Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

Gosewe laba 23:30

Kova hi kolla, kay dour an i rati gomme pash i mool beshdo hi, oun zorelo vavar pipen khetne čorenn oun piyenn.

Sikepaskro 10:17

Barhtelo hi ko them, kay o baro ray i an-diklo morsh hi, oun i pralstoune an o čačo tsiro lačes rhana, har an-dikle morsha oun gar har mate.

Jesaja 19:14

O baro Devel kras, te venn le har mato oun rakrenn savo koova, te djinenn i Egiptarya bouder gar, hoy te krenn. Yaake perenn le yek rigyatar ap i vavar har i mato, kay perell an peskro čadepen.

Jesaja 22:13

Oun hoy krenn t'mer? T'mer sanenn oun khelenn, marenn groumyen oun bakren, rhan mass oun piyenn mool. T'mer penenn: “Moukenn men te rhal oun te piyell, taysar merah mer!”

Jesaja 24:2

i rashaya oun i vavar menshe, o ray oun o boudepaskro, i rayetsa oun i boudepaskretsa, o bikepaskro oun o ginepaskro, kova, kay peske love patsell oun kova, kay love vin patsell, koles, kay siyaan hi oun kova, pash koleste yekes siyaan hi.

Jesaja 24:20

I phoub perell yek rigyatar ap i vavar har i mato, oun perell khetne har i plarhteno kheer. O čilačo koova ap i phoub hi yaake pharo, te perell li oun stell gar bouder pre.

Jesaja 28:1

Djungeles djal touke, tou foro Samaria! Tou hal čiddo ap i berga, hoy hi tardo pral o bravelo them. Oun hal har i rayeskri stadi. I menshe dran o them Efrayim, kay i molyatar mate hi, sharenn pen touha. Tiro shoukapen hi har i bloume, hoy merell tele.

Jesaja 29:11

Lauter, hoy t'men o Devel sikras, hi t'menge har i laba an i liil, hoy krell nay kek pre. Kova hi yaake, har te dals yek i liil yekeste, kay hayvell te draverell, oun penell leske: Drave mange glan, hoy tardo hi. Oun kova penell: Kova djal gar, ko liil nay krell kek pre.

Jesaja 3:12

Mire menshe, penell o baro Devel, t'mare pralstoune hi čave. Oun djouvya hi i raya pral t'mende. Kolla kay hounte sikrans t'menge o drom, anenn t'men o čačo dromestar tele, oun krenn, te nashrenn t'men.

Jesaja 43:27

Tiro phouro dad, kolendar t'mer lauter van, ninna kova las doosh ap peste, oun tire rakepangre phagan mantsa.

Jesaja 5:11

Djungelo djal kolenge, kay stenn pre taysarlake, te djan le an i kerčima, oun rati gomme koy beshdo hi oun mato venn!

Jesaja 5:22

Djungeles djal kolenge, kay hi čače morsha pash o pipen, oun zorele morsha te krenn le rhačedi.

Jesaja 5:23

Djungeles djal kolenge, kay i lovenge koles an o čačepen čivenn, kay doosh ap peste anas, oun kolenge lengro čačepen krik lenn, kay an o čačepen tardo hi.

Jeremia 14:14

O baro Devel penas ap mande: Kol rakepangre rakran rhorhepen an miro lab. Me bičrom len gar. Oun me penom lenge či, hoy te krenn le, oun rakrom lentsa vitar gar. Yon rakrenn pral kova, hoy dikan le, – kova vas gar mandar. Oun kova, hoy le glan-vi penan, hi rhorhepen oun dourkepen, oun hi či moldo oun vell dran lengre djia.

Jeremia 23:13

Kova, hoy dikom pash mire rakepangre an Samaria, hi i djoungelo koova mange. Yon penan laba glan-vi, kolendar penan le, kay van le o deblestar Baal. Oun yaake anan le mire menshen Israel o čačo dromestar tele.

Jeremia 23:16

Kova penell o baro Devel, ko ray pral o bolepen oun i phoub: Ma shounenn ap i laba, hoy kol rakepangre penenn! Yon rhorhenn t'men, oun rakrenn pral dikepen, hoy vell dran lengre djia oun gar o baro Deblestar.

Ropaskre gilja 2:4

Yob rikras peskro bogo, oun las i faylo an peskro čačo vast, har yek, kay kourell pes mentsa. Oun har i kourepaskro maras lo halauteren, kay menge kamlo oun kouč his. Oun leskri rholi vas pral mende har i zoreli yag.

Ezekiel 13:7

Me penau lenge: T'maro dikepen hi či-moldo. Oun t'maro dourkepen hi rhorhepen. Har nay penenn t'mer: “Kava penell o baro Devel”, kay me či rakrom?

Ezekiel 44:21

Te djan le dren ap koy tikni glanstouni platsa glan o Debleskro kheer, hounte piyan le kek mool.

Hosea 7:5

Ap maro baro rayeskro dives piyenn pen i pralstoune mates i molyatar. Oun o baro ray beshell pes khetne kolentsa, kay san pral halauter.

Micha 2:11

Te voms me i morsh, kay nashell o dourho palla, oun rakroms o rhorhepen, oun me penoms: “Piyenn boud mool oun vavar pipen!” Palle penans t'mer mandar: “Havo lačo rakepaskro hi kava morsh!”

Habakuk 2:15

Djungeles djal touke, kay moukeh i vavaren tiro khoro pherdi rholi te piyell, oun kreh len mato, te dikess len nango!

Habakuk 2:16

Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Efesarja 5:28

Yaake hounte vell i morsh yaake kamlo ap peskri romyate har hi lo kamlo ap peste! Te hi lo kamlo ap peskri romyate, hi kova yaake har te vals lo kamlo ap peste.