Jesaja 28:19 - O Debleskro Lab 2024 (Sinte-Manouche)

¹⁹ Hako kopo, kay venn le, taprenn le t'mendar oun anenn t'men krik, nay vell ap o dives oun ninna an i rat. Te hayvans t'mer, hoy shounenn, palle ačals t'menge o rakepen krik i trashatar.

O Debleskro Drom 2021 (Sinte)

¹⁹ Hako kopo, kai wenn le, taprenn le tumendar un anenn tumen krik, nai well ap o diwes un ninna an i rat. Te haiwans tumer, hoi shunenn, palle atchals tumenge o rakepen krik i trashatar.

Jesaja 28:19 ပူးပေါင်းရင်းမြစ်များ

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

2. Rajengro liil 18:13

O Hiskiya his an o 14. (deesh-te-starto) bersh baro ray pral o them Youda, koy djas o baro ray pral o them Assour, o Sanherib, an o them Youda oun las i tsele zorele forya peske dren. Kote bičras o Hiskiya morshen pash o baro rayeste pral o them Assour. Kova his an o foro Lakish, oun moukas leske te penell: “Me anom doosh pral mande. Dja mandar krik! Hoy tou mandar kameh, ko kamau te playsrell.” Kote mangas o Sanherib lestar triin-sheel centnarya roup oun triyanda centnarya sonakay.

2. Rajengro liil 21:12

Doleske penell o baro Devel, kay o Israeleskro Devel hi: Me anau bibarht pral o foro Yerusalem oun pral o them Youda. Hakeno, kay kova shounella, rikrell peskre kanda i doukatar.

2. Rajengro liil 24:2

Oun o baro Devel moukas boud lourden pral leste te vell, kay trouyel djan oun randan an o them Youda. Kolla van dran i themma Babilonia, Syria, Moab, oun Ammon, oun kran o them paash. Kova vas yaake, har o baro Devel rakras ap peskre rakepangre, kay leske koy his, oun har yon kova i menshenge doureder penan.

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Hiob 24:17

Kali rat hi lenge lauterenge har vavarenge i tsalla. An i rati hi len kek daar.

Hiob 41:9

Yon hi yaake khetne kerdo, te taprell yek an o vavar, oun kek nay tserdell yek dran o vavar vin.

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 55:4

Kolla, kay kamenn man čilačepen, krenn bare laba, oun o čilačo dell man trad. Yon kamenn bibarht pral mande te anell, oun djan ap mande pre bari rholyah.

Debleskri gili 88:15

Hoske čival man pale oun khatreh tout glan mande?

Jesaja 33:7

Shounenn, zorele morsha denn bari gole, oun kol bičepangre, kay bičedo van, te penenn le, te hi o kourepen vin, kolla rovenn zoreles.

Jesaja 36:22

Oun kol triin pralstoune, kolen o Hiskiya bičras, o Elyakim, ko pralstouno pral leskro kheer, koleskro dad o Hilkiya hi, oun o Shebna, kay činas i lila, oun o moskro Yoa, koleskro dad o Asaf hi, yon kran pengre koola paash i doukatar oun djan pash o Hiskiya oun penan leske kol laba, kay ko pralstouno dran o them Assour ap lende penas.

Jesaja 37:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jeremia 19:3

Oun pen: Shounenn o baro Debleskro lab, t'mer bare raya pral o them Youda oun menshe an Yerusalem. Yaake penell o baro Devel, ko ray pral o bolepen oun i phoub, kay o Israeleskro Devel hi: Shounenn, me kamau bari bibarht pral kava foro te anell, kay hakeno, kay shounell kova, leskre kanda doukenna.

Jeremia 4:5

Denn zoreles gole an Youda, kharenn vin an Yerusalem, oun penenn: Phourdenn koy phourdepaskri an o tselo them! Denn vin gole, te venn le an i zorele forya khetne!

Jeremia 4:9

O baro Devel penell: Ko dives vella, kay trashenn o baro ray oun i pralstoune pral Israel. O Debleskre rakepangre oun leskre rashaya djinenn gar bouder, hoy te penenn le.

Jeremia 6:24

Mer shounam lendar, oun mare moussya peran menge tele. Oun i bari traash vas ap mende. Men hi bare douka har i djouvel, kay i ternepen lella.

Ropaskre gilja 2:22

Haki rigyatar kharal kolen, kay kran menge daar oun traash. Yon van har pash i baro rhapen. Oun kek mendar nay nashas peske ap o dives, kay tiri rholi, baro Devel, pral mende vas, oun kek ačas pral. Kolen, kay me ap i vasta hidjrom oun bares tserdom, kolla van lendar maredo.

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

1. Samuel 3:11

Oun o baro Devel penas ap o Samuel: “Me krau i koova an Israel. Oun koon kolestar shounella, koleske doukenna palle peskre douy kanda.