Jesaja 28:14 - O Debleskro Lab 2024 (Sinte-Manouche)

¹⁴ T'mer pre-phourde, kay penenn i menshenge an o foro Yerusalem, hoy le hounte krenn, kanna shounenn o lab o baro Deblestar:

O Debleskro Drom 2021 (Sinte)

¹⁴ Tumer pre-phurde, kai penenn i menshenge an o foro Jerusalem, hoi le hunte krenn, kanna shunenn o lab o baro Deblestar:

Jesaja 28:14 ပူးပေါင်းရင်းမြစ်များ

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Gosewe laba 29:8

Kol pre-phourde, kay djinenn lauter feteder, krenn i tselo fores divyes. I goseve hayvenn, har te lenn le lengro čingepen krik.

Gosewe laba 3:34

Kolla, kay praasenn i vavaren, kolen praasell lo ninna. Kolla, kay krenn pen gar bares, ap kolende dikell lo lačes.

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 28:22

Kanna, ma san bouder pral mire laba, te venn i shelle troul t'mende gar gomme zorleder khetne pandlo. O baro Devel, ko ray pral o bolepen oun i phoub, moukas man te djinell, te las lo pes glan, te vell o merepen pral o tselo them.

Jesaja 29:20

Zorele raya, kay i vavaren tele rikran, nashrenn pengri zoor. Oun i pre-phourde hi bouder gar koy. Oun maredo venn halauter, kay kaman i bibarht pral i vavarende te anell,

Jesaja 3:12

Mire menshe, penell o baro Devel, t'mare pralstoune hi čave. Oun djouvya hi i raya pral t'mende. Kolla kay hounte sikrans t'menge o drom, anenn t'men o čačo dromestar tele, oun krenn, te nashrenn t'men.

Jesaja 46:12

Shounenn ap mande, t'mer, kay barrengre djia an t'mende hi, t'mer, kay patsenn, te vell t'men kek čačepen.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jeremia 13:15

O baro Devel rakras t'mentsa. Doleske krenn t'mare kanda pre, oun venn gar pre-phourdo!

Jeremia 36:23

Les hi i čouri an o vast oun hako kopo, har draveras o Yehoudi triin te star kotya, činas o baro ray len i čouryeha tele oun vitsras len an i yag, bis te his o tselo liil pre rhačedo.

Ezekiel 16:35

Doleske shoun, Yerusalem, tou loubni, hoy o baro Devel penell!

Hosea 7:5

Ap maro baro rayeskro dives piyenn pen i pralstoune mates i molyatar. Oun o baro ray beshell pes khetne kolentsa, kay san pral halauter.

Amos 6:13

T'mer phourdenn t'men pre pral o foro Lo-Dabar, oun penenn: Mari zoryah lam o foro Karnayim dren.

Bičepangre 13:41

Yaake penas o Devel: T'mer, kay rikrenn o Debles dineleske, krenn bare yaka i daryatar oun merenn! Shounenn, me krau i baro koova an t'maro tsiro. Kova patsenn t'mer gar, te penell t'menge kova yek.”