Jesaja 26:3 - O Debleskro Lab 2024 (Sinte-Manouche)

³ Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

O Debleskro Drom 2021 (Sinte)

³ Baro Dewel, tu rikreh tire wasta pral kolende, kai mukenn pen gar tutar krik te tserdell, un deh len shukapen an o dji. Ap tute rikrenn le pen.

Jesaja 26:3 ပူးပေါင်းရင်းမြစ်များ

1. Familjakro liil 5:20

Oun i lourde dran i khera Ruben oun Gad oun Manasse dikan ap o baro Debleste oun dan gole ap leste, te vell lo lenge ap i rig. Oun yob shounas ap lende, oun das i Hagararya an lengre vasta oun lauteren, kay pash lende his.

2. Familjakro liil 13:18

Yaake van i morsha dran Israel phagedo, oun i morsha dran o them Youda van i zorleder doleske kay rikran yon pen ap o baro Debleste, koles lengre phoure an-mangan.

2. Familjakro liil 16:8

Bistral tou, har boud kourepangre vourdya oun klissepangre i Kousharya oun i Libyarya pash pende his? Oun his gar yaake, te das len o baro Devel an tiro vast, har rikral tout ap leste?

Debleskri gili 119:165

I bari barht hi kolen, kay tiro drom kamenna. Yon perenn gar tiro dromestar tele.

Debleskri gili 125:1

I gili te givell ap o drom an Yerusalem. Kolla, hoy ap o baro Debleste patsenna, hi har i berga Sion, hoy zoreles tardo hi, oun ačell hake tsirenge.

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jesaja 26:12

Baro Devel, le o kourepen krik, te djal menge mishto! Lauter hoy kram, kral tou menge.

Jesaja 27:5

Yaake djal lauterenge, kay gar pash mande venn, te rikrap mire vasta pral lende. Mou venn le pash mande, te las kova krik, hoy mank mende tardo hi. Ava, mou venn le, te vas mer mala.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Jesaja 32:18

Palle djivenn mire menshe an i them, kay kek kourepen hi, an khera, kay hounte vell len kek daar, te krell yek lenge čomone, oun ap platse, kay nay ačenn le, oun kek tradell len krik.

Jesaja 42:19

Kek hi yaake korelo har tou, miro boudepaskro Israel, kek yaake kashteno har tou, miro bičepaskro, oun kek yaake korelo har tou, miro vi-rodedo boudepaskro, kay mange koy hounte vals.

Jesaja 42:6

Me, o baro Devel, dom tout gole, te aness o čačepen pash i menshende. Me taprom tout pash tiro vast. Oun me dau yak ap toute. Tou vess o rakepaskro, kay krell i menshentsa vin, te vap lengro Devel; oun vess i menshenge an i tsele themma i momeli, hoy sikrell len o drom pash mande.

Jesaja 48:2

T'mer kharenn t'men pal o Debleskro foro, oun rikrenn t'men ap o Debleste pral o Israel. Leskro lab hi baro Devel, ray pral o bolepen oun i phoub.

Jesaja 49:8

Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 66:12

Kava penell o baro Devel ap o foro Yerusalem: Dik, me moukau boud lačepen pral toute te vell har i lengsto pani. Oun o bravlepen dran vavar themma nashell an toute har i divyo pani. Me dau garda ap toute har i day ap peskro ternepen, hoy hidjrell li ap i vasta, oun čivell les ap peskre herya oun khelell leha.

Jeremia 39:18

Me kamau te djivess, oun te vess gar o rhareha maredo. Tou patsal mange. Doleske krau, te nay nasheh touke. Tiro djipen ačell touke. Kova penell o baro Devel.

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Daniel 6:23

Miro Devel bičras peskro bolepaskres, oun kova pandas i mouya kol levendar, yaake te nay doukran le man gar. Miro Devel dikell kek doosh ap mande. Oun ninna ap toute, miro baro ray, krom me či, koleske i phagi hounte loms.”

Micha 5:5

Pengre rharentsa lenn le o them Assour dren – ko them o morshestar Nimrod – oun venn i raya pral lende. Te phagenn i lourde dran o them Assour an maro them dren, oun kamenn les dren te lell, palle lell men maro nevo ray dran lengre vasta vin.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.

Filiparja 4:7

Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.