Jesaja 25:3 - O Debleskro Lab 2024 (Sinte-Manouche)

³ Doleske sharenn tout i menshe an zorele themma. Oun i menshe an forya, kay lengre pralstoune i zoryah ap lende djan, mangenn tout an.

O Debleskro Drom 2021 (Sinte)

³ Doleske sharenn tut i menshe an sorele themma. Un i menshe an forja, kai lengre pralstune i sorjah ap lende djan, mangenn tut an.

Jesaja 25:3 ပူးပေါင်းရင်းမြစ်များ

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 24:15

Hadenn o baro Debles, t'mer kay djivenn kote, kay o kham pre djal! Oun an i panyengre themma denn vin gole: “Har raylo hi o baro Devel, kay o Israeleskro Devel hi!”

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Ezekiel 38:23

Oun yaake sikrau me glan i yaka boud menshendar dran vavar themma, te hom i zorelo Devel. Oun yon dikenn oun hayvenn palle, te hom me o baro Devel.

Micha 7:17

Yon hounte čivenn pen ap i phoub pengre mouyentsa an i čik har i sapa oun i kirme. Oun trisslepah venn le vin dran pengre zorele khera, oun venn glan toute, maro baro Debleste, bari daryah.

Zakarie 14:16

Oun kolla, kay djides ačan kol menshendar dran i themma, kay his an o kourepen o foreha Yerusalem, kolla venna hako bersh an Yerusalem, te sharenn le o baro rayes an Yerusalem. Yob hi o baro Devel, ko ray pral o bolepen oun i phoub. Kote an Yerusalem kamenn le ninna kol bare divessa te rikrell, kay i menshe an patyengre khera djivenn.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.