Jesaja 25:2 - O Debleskro Lab 2024 (Sinte-Manouche)

² Tou kral o zorelo foro paash. Lestar ačas či pral har barra. Ko foro, kay i zoreli massouri troul leste his, hi čiddo an kotya. Kote, kay rayen dran vavar themma pengre shoukar khera his, hi kek foro bouder. Oun kek nay čivell len pale pre.

O Debleskro Drom 2021 (Sinte)

² Tu kral o sorelo foro paash. Lestar atchas tchi pral har barra. Ko foro, kai i soreli massuri trul leste his, hi tchiddo an kotja. Kote, kai rajen dran wawar themma pengre shukar khera his, hi kek foro buder. Un kek nai tchiwell len pale pre.

Jesaja 25:2 ပူးပေါင်းရင်းမြစ်များ

Hiob 12:14

Kova, hoy yob tele phagas, nay čivell kek pale pre. Kones yob dren pandas, koleske nay krell kek pale pre.

Jesaja 13:20

Kek djivell bouder an ko foro kek tsireske, oun kek moukell pes bouder kote tele. Kek Arabari čivell kote peskro plarhteno kheer pre. Oun kolla, kay denn yak ap i bakre, moukenn kolen gar kote te rhal.

Jesaja 13:21

Divye firhe dran o moulo them djivenn koy. I khera venn pherde ratsyakre čirkle. Bare divye čirkle djivenn koy, oun divye bouzya khelenn koy.

Jesaja 13:22

Divye djoukle rovenna an i rayengre khera, kay his yaake shoukar oun raylo. I tsiro o foreske Babilon vas, te lell li peskri phagi. Oun leskre divessa hi trouyel.

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jesaja 17:3

Troul i forya an Israel hi bouder kek massourya. Oun o foro Damaskus hi kek rayeskro foro bouder. Kol Syrarya, kay ačenn djido, lenge djal yaake har i Israelenge. Lengro raylepen ačell gar. Kova penell o baro Devel, ko ray pral o bolepen oun i phoub.

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jesaja 23:11

O baro Devel hadas peskro vast pral o baro pani vin, oun anas traash pral i tsele rayengre themma. Yob penas zoreles, te venn i zorele barrengre khera an o them Kanaan paash dino.

Jesaja 23:13

Kolla, kay kova t'mentsa kran, hi gar i menshe dran Assour, na-a, kolla hi i menshe dran Babilonia. Yon kran, te vas tiro foro i moulo foro, kay divye firhe djivenna. Bare dromma kran le, hoy djan pral ap i foreskre massourya, te nay venn le an o foro dren, oun phagan i shoukar khera tele. O forestar ačas kek bar ap i vavar.

Jesaja 24:10

Tele phagedo oun khetne stakedo hi o foro, hako kheer hi tele pandlo, te nay vell kek dren.

Jesaja 25:12

Oun kol zorele bare khera an o them Moab phagell o Devel tele, oun dell len khetne, te perenn le tele an i čik.

Jesaja 26:5

I pre-phourden vitsrell lo ap i phoub, Lengro foro phagell lo tele, bis te hi lo čiddo an i čik.

Jesaja 27:10

I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

Jesaja 32:19

Ninna te denn brishineskre barra o veesh paash, oun o foro djal tele,

Jesaja 34:13

Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.

Jesaja 37:26

Shoun oun mouk touke te penell: Kova vas yaake har me kamom. Glan i rah tsiro his yaake an miro shero. Kanna moukom te djal, kay tou val, oun zorele forya paash dal. Oun kokres lengre barra pral ačan.

Jeremia 51:26

Kek barra hi mank lende, kay hi yaake lačo, te čivenn le i kheer ap lende pre, oun hoy nashte hidjrenn i kheer. Hako tsireske ačell toutar či har barra pral. Kova penell o baro Devel.

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”