Jesaja 25:11 - O Debleskro Lab 2024 (Sinte-Manouche)

¹¹ Ninna te hadenn le pengre vasta oun krenn len bourhles har i shvimari, djan le tele, oun ninna kova, hoy le pengre vastentsa kran. Yaake krell o baro Devel len tiknes.

O Debleskro Drom 2021 (Sinte)

¹¹ Ninna te hadenn le pengre wasta un krenn len buchles har i shwimari, djan le tele, un ninna kowa, hoi le pengre wastentsa kran. Jaake krell o baro Dewel len tiknes.

Jesaja 25:11 ပူးပေါင်းရင်းမြစ်များ

Hiob 40:11

Čore tiri tseli rholi vin, dik ap lauterende, kay pre-phourdo hi, oun vitse len tele!

Debleskri gili 2:5

Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo:

Jesaja 10:33

Dikenn, har o baro Devel, ko ray pral o bolepen oun i phoub, peskri bari zoryah len tele dell har yek i kashta i roukendar tele dell, oun i bare rouka trouyel dell. Oun kolla, kay pen pre hadan, venn tiknes kerdo.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 14:26

Yaake his kova an o Debleskro dji te krell lo ap i phoub. Oun leskro vast hadas lo pre, te dell lo i menshen an hake themma pengri phagi.

Jesaja 16:14

Kanna penell yob: An triin bersha – kek dives sikeder oun kek dives palla – vell o Moabeskro bravlepen oun sharepen krik lino. Kol boud menshendar ačenn gar boudeder djido har i vast pherdo. Oun kolla hi gar zorelo.

Jesaja 16:6

Mer shounam, hoy pral i Moabarya rakedo vas, kay hi le yaake pre-phourdo, oun dikenn tele ap i vavarende, oun krenn pen kokres bares. Oun len hi i baro mouy.

Jesaja 2:10

Dja mank i bare barra, oun khate tout an i čik, i daryatar o baro Deblestar oun glan leskro raylo barepen.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:15

ninna hako baro turmo oun haki zoreli massouri,

Jesaja 25:5

oun har o kham an o tato tsiro, hoy lauter rhačrell. Tou kral, te hounte moukan le mendar tele, kolla, kay van dran vavar themma, oun djan divyes ap mende pre. Yaake har djal o tatepen krik, te venn volke glan o kham, yaake lal lendar lengro gipen krik, hoy givan le pral ko baro koova, hoy le kran.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

Jeremia 48:29

An hako tsiro vas penlo pral o them Moab, har pre-phourdo yob hi, oun havo sharedo yob hi, har rikrell lo boud pestar, havo baro mouyeskro yob hi, oun har dikell lo tele ap i vavarende!

Jeremia 48:42

O Moab hadas pes pral o baro Debleste. Doleske vell lo yaake dino, te hi lo bouder kek natsyona.

Jeremia 48:47

I dives vell, kay krau me, te vell i menshenge dran o them Moab pale lauter mishto, penell o baro Devel. Kate herell pre, hoy o Yeremia pral o them Moab penas.

Jeremia 51:44

O baro Devel penell: Ava, me dom o rhorheno debles Bel an o them Babilonia peskri phagi, oun tserdom dran leskro mouy kova, hoy yob pre rhas. I menshe dran vavar themma nashenn leske bouder gar palla. I massurya o forestar Babilon peran khetne.

Kolossarja 2:15

Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.