Jesaja 25:1 - O Debleskro Lab 2024 (Sinte-Manouche)

¹ Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

O Debleskro Drom 2021 (Sinte)

¹ Baro Dewel, tu hal miro Dewel. Tut sharau, un tuke giwau. Tu kral baro koowa, hoi kek wawar nai krella. Hoi tu penal i glan rah tsiro, ap kowa rikral tut un kral kowa.

Jesaja 25:1 ပူးပေါင်းရင်းမြစ်များ

Debleskri gili 111:4

Yob moukell men gar te bistrell, hoy lo an peskri bari zoor kras. Lačo oun kamlo hi lo.

Debleskri gili 118:28

Tou hal miro Devel. Pash toute kamau man te parkrell. Miro Devel, tout kamau me te sharell.

Debleskri gili 145:1

Kay gili kras o David te sharell lo o Debles. Me kamau tout te hadell, miro Debles. Tou hal o baro ray. Tout kamau me te sharell kanna oun hako tsiro.

Debleskri gili 146:2

Yaake rah har me djivau, kamau o baro Debles te sharell. Yaake rah har hom ap kay phoub, kamau leske te bashrell.

Debleskri gili 31:15

Baro Devel, me rikrau man ap toute. Miro Devel hal tou.

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Debleskri gili 75:2

Mer sharah tout, maro Devel. Mer parkrah men pash toute, te hal pash mende, oun rakrah halauterestar, hoy tou kral an tiri bari zoor.

Debleskri gili 78:4

kova kamah gar te khatrell glan mare čavende; na-a, kolenge, kay pal mende venna, kamah te penell, har zorelo o baro Devel hi oun havo baro koova yob kras an peskri zoor.

Debleskri gili 89:1

Givede laba, hoy o Etan dran i familya Esra pre-činas.

Debleskri gili 98:1

I gili Givenn o baro Debleske i nevi gili! Yob kras baro koova. Peskro vasteha oun Debleskri zoryah vas lo o zorleder pral o čilačepen.

Debleskri gili 99:5

Hadenn maro baro Debles! Oun perenn ap i phoub glan i beshepaskri, kay yob peskre herya pre čivella. O baro Devel kokres hi o čačo Devel.

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

Jesaja 11:5

Hako tsiro krell lo o čačepen. Hako tsiro penell lo, hoy čačo hi. Doleske hi o čačepen troul leste har i pereskri dori troul i ripen.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 26:13

Baro Devel, maro ray, pral mende his gomme vavar i raya. Tout kokres sharah mer.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Jesaja 28:29

Ninna kava djal vin o baro Deblestar, ko rayestar pral o bolepen oun i phoub. Kova, hoy yob peske glan las, hi yaake shoukar, te ačell menge o rakepen krik. Oun leskro gosvepen hi baro.

Jesaja 40:27

Hoske penenn t'mer Israelitarya, t'mer, kay venna pal o Yakob: “O baro Devel prindjrell men bouder gar. Maro Devel dikell gar koy pre, te vell men maro čačepen.”

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Jesaja 46:11

Foun kotar, kay o kham pre djal, dau gole i baro čirkleste, kay mass rhal, te vell yob. Kova hi ko morsh, kay krell, hoy mange glan lom. Dran i dour them vell lo. Kova vell yaake, har penom. Hoy mange glan lom, krau ninna.

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Jesaja 49:5

Kova his o baro Devel, kay kras man yaake, te vap leskro boudepaskro, har gomme gar boldo vom. Yob kamell, te anap o Yakobes pale pash leste, yaake te vell o tselo Israel pash leste khetne. Oun miri boudi hi boud moldo an i yaka o baro Deblestar. Miro Devel vas miri zoor. Kanna shounenn, hoy lo penas:

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jesaja 7:13

Kote pre penas o Yesaya: “Shounenn, t'mer, kay venna o Davideskre čavendar! Hi t'menge gar doha, te krenn menshen khino? Krenn kanna ninna miro Debles khino?

Joel 2:26

T'men vell doha rhapaske, oun t'mer sharenn o baro Debles, kay t'maro Devel hi, oun kras boud zorelo koova mank t'mende. Oun t'mer, mire menshe, venn bouder gar praasedo.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 7:12

Oun yon penan: “Hi mishto, te givas mer gilya maro Debleske, hoy les hadenna, oun hoy les bares krenna. Leskro raylepen oun gosvepen hi baro. Oun les hi bari zoor. Hi mishto, te parkras men pash leste, oun te sharas les, kanna oun hako tsireske. Amen!”