Jesaja 24:18 - O Debleskro Lab 2024 (Sinte-Manouche)

¹⁸ Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

O Debleskro Drom 2021 (Sinte)

¹⁸ Kowa, kai nashell nai peske glan i trashakri gole, perell an i gruba. Un kowa, kai tserdell pes pral dran i gruba, well an i netsa tapedo. O bolepen krell pes pre un dell baro brishin un o telstunepen, hoi i phub hidjrell, trissella.

Jesaja 24:18 ပူးပေါင်းရင်းမြစ်များ

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

1. Mose 7:11

Har o Noah 600 (shob-sheel) bersha phouro his, an o douyto čon an ko bersh, ap o deesh-te-eftato dives vas o pani, hoy an i phoub hi, i zoryah vin.

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

Hiob 20:24

Ninna te nay nashell lo glan o sasterno rharo, dell les yek tele karye.

Debleskri gili 18:15

Oun yob das yag karye dran o bolepen kate te kote, oun tradas i volke krik.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 18:8

Koy trissas i phoub, pral oun tele djan i berge o Debleskri bari rholyatar.

Sikepaskro 9:12

Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 2:21

Oun yon khatrenn pen mank i bare barra oun an i barrengre grotte i daryatar o baro Deblestar oun leskro raylo barepen, te stell lo pre, te anell lo i traash pral i phoub.

Jesaja 42:22

Hoy vas dran leskre menshende? Lengro them hi vi-čoredo oun vi-randedo. Yon halauter hi tapedo, oun pandlo an o stilepen. Randedo hi le, oun kek hi koy, kay lell len vin dran o pandepen. Čoredo hi le, oun kek hi koy, kay penell: De pale kay!

Jesaja 8:14

Pash leste nay khatrenn t'men. Kol vavarenge an Israel oun Youda hi lo har i bar, pral koleste yon perenn, ava, har i baro zorelo bar, pral koleste yon pen rhoyrenn. Oun i menshenge an Yerusalem hi lo har khatede pandle dorya, an kolende yon perenn oun pen taprenn.

Jeremia 48:43

O baro Devel penell: T'mer menshe an o them Moab, Bari traash vell pral t'mende, an bare rhebya oun dorya venn t'mer tapedo.

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Ropaskre gilja 3:47

Traash oun daar vas ap mende. Troul mende phagell oun perell halauter khetne.

Ezekiel 11:8

T'mer darenn glan o kourepen. Oun o rharo anau pral t'mende. Kova penell o baro Devel, t'maro ray.

Ezekiel 12:13

Me, o baro Devel, vitsrau miri netsa pral leste vin, te vell lo tapedo an mire dorya. Oun pandles vell lo an o them anlo, kay i Babilonarya djivenn. Ko them nay dikell lo gar. Oun kote merell lo.

Ezekiel 15:7

Me dikau čilačes ap lende, oun dau len pengri phagi: Bis kanna van le dran i yag vin. Kanna vell i yag pral lende, oun rhačrenn len pre. Koy pre dikenn oun hayvenn t'mer, te hom me o baro Devel.

Amos 5:18

Djungeles djal kolenge, kay penenn: O baro Debleskro dives te vell sik! Hoy patsenn t'mer, hoy palle vell? Ko dives anell t'menge kali rat oun kek momeli!

Amos 5:19

Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.