Jesaja 24:17 - O Debleskro Lab 2024 (Sinte-Manouche)

¹⁷ Pral t'mende, kay ap i phoub djivenn, vell bari traash. T'mer perenn an groube, oun taprenn t'men an netse.

O Debleskro Drom 2021 (Sinte)

¹⁷ Pral tumende, kai ap i phub djiwenn, well bari traash. Tumer perenn an grube, un taprenn tumen an netse.

Jesaja 24:17 ပူးပေါင်းရင်းမြစ်များ

1. Rajengro liil 19:17

Palle vell yaake: Koon nay nashell peske glan o rharo, koleha o Hasael dell, koles marell o Yehou. Oun koon nay nashell peske glan o rharo, koleha o Yehou dell, koles marell o Elisa.

Hiob 18:8

Leskre pire taprenn pen an i netsa, oun yob perell an i čakedi grouba.

Jesaja 8:14

Pash leste nay khatrenn t'men. Kol vavarenge an Israel oun Youda hi lo har i bar, pral koleste yon perenn, ava, har i baro zorelo bar, pral koleste yon pen rhoyrenn. Oun i menshenge an Yerusalem hi lo har khatede pandle dorya, an kolende yon perenn oun pen taprenn.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 8:3

Oun lauter kolla, kay pral ačan kal čilače menshendar, kay djivenn kote, kay me len tradom, lenge vals o merepen feteder har o djipen. Kova penell o baro Devel, ko ray pral o bolepen oun i phoub.

Ropaskre gilja 2:22

Haki rigyatar kharal kolen, kay kran menge daar oun traash. Yon van har pash i baro rhapen. Oun kek mendar nay nashas peske ap o dives, kay tiri rholi, baro Devel, pral mende vas, oun kek ačas pral. Kolen, kay me ap i vasta hidjrom oun bares tserdom, kolla van lendar maredo.

Ropaskre gilja 3:47

Traash oun daar vas ap mende. Troul mende phagell oun perell halauter khetne.

Ezekiel 11:8

T'mer darenn glan o kourepen. Oun o rharo anau pral t'mende. Kova penell o baro Devel, t'maro ray.

Ezekiel 12:13

Me, o baro Devel, vitsrau miri netsa pral leste vin, te vell lo tapedo an mire dorya. Oun pandles vell lo an o them anlo, kay i Babilonarya djivenn. Ko them nay dikell lo gar. Oun kote merell lo.

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Amos 5:19

Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.