Jesaja 24:1 - O Debleskro Lab 2024 (Sinte-Manouche)

¹ I dives vella, kay lell o baro Devel o djipen i phoubyatar krik. Oun i phoub vell i moulo them. Oun kova, hoy ap late tardo hi, vitsrell lo trouyel. Oun i menshe venn kate te kote tradedo:

O Debleskro Drom 2021 (Sinte)

¹ I diwes wella, kai lell o baro Dewel o djipen i phubjatar krik. Un i phub well i mulo them. Un kowa, hoi ap late tardo hi, witsrell lo trujel. Un i menshe wenn kate te kote tradedo:

Jesaja 24:1 ပူးပေါင်းရင်းမြစ်များ

2. Rajengro liil 21:13

Oun me kamau ko emligo koova ap o foro Yerusalem te krell, har krom ap o foro Samaria. Oun dau o fores savi phagi har čivom ap o kheer Ahab. Oun kamau i menshen dran o foro Yerusalem vin thovell, yaake har čare vin thode venna, oun ap o shero čiddo venn.

Nehemia 1:8

Ma biste tiro lab, hoy dal tou leske, har tou penal: T'mer te phagenn mantsa, palle tradau me t'men dran t'maro them, oun t'mer hounte djivenn mank vavar menshende.

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 13:5

Dran dour themma venn le koy, i palstouni rigyatar i phoubyatar. O baro Devel vell kolentsa, kay leskri rholi pral o tselo them anenna, te krenn le halauter paash.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 24:19

Oun i phoub phagell khetne, phagell an kotya oun perell khetne.

Jesaja 24:20

I phoub perell yek rigyatar ap i vavar har i mato, oun perell khetne har i plarhteno kheer. O čilačo koova ap i phoub hi yaake pharo, te perell li oun stell gar bouder pre.

Jesaja 27:10

I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.

Jesaja 29:16

T'mer rissrenn lauter trouyel! Hi o čik, dran koleste i pirya oun khore rhačedo venn, kanna boudeder har ko morsh, kay len krell? Nay rakrenn i pirya lestar: Yob kras men gar. Nay penals o khoro lestar: Kova hayvell či.

Jesaja 29:2

Me anau yaake boud traash ap o foro Ariel, te denn t'mer bari gole, oun denn i vasta khetne pral o shero. Oun palle vell o foro i čačo rhačepaskro bob mange.

Jesaja 30:32

Oun pash haki dap, hoy o baro Devel ko kashteha ap lende tele dell, dell bashepen ap i tikne pauke oun harfe. Yaake dell lo len trad oun kourell pes lentsa an o kourepen.

Jesaja 32:12

Te dikenn t'mer, hoy vas dran i lači phoub oun dran i shoukar drakengre rouka, denn t'mare vasta khetne pral o shero oun rovenn!

Jesaja 33:9

Ninna o them rovell oun nashrell peskri zoor. I rouka ap i berge Libanon ladjenn pen oun merenn tele. O shoukar telstouno them Sharon dikell vin har i divyo trouk them. Oun i rouka ap i berge Bashan oun Karmel vitsrenn pengre patria tele.

Jesaja 34:10

hoy rhačell dives oun rati. Oun koy yag djal gar vin. Oun latar djal i kalo dourho pre an o bolepen hako tsiro. Oun kek nay djivell bouder an ko them yaake rah har menshe koy hi, oun kek djal pral vergel an i vavar them an kek tsiro.

Jesaja 34:2

O baro Debles hi i bari rholi ap i tsele themma lengre boud lourdentsa. Oun yob kras pash peste vin, te hounte merenn le, oun das len an i vasta kolendar, kay marenn len.

Jesaja 42:15

Dran i tsele bare oun tikne berge krau i moulo them. Lengro zenlepen vell djelto. Kote, kay panya nashenn, vell i trouk them, oun i sapeni phoub vell trouk.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jeremia 4:7

I marepaskro, hoy marell i menshen an boud themma, stas pre. Har i levo, hoy vell dran o veesh, kras lo pes ap o drom, te dell yob t'maro them paash oun rhačrell t'mare forya yaake, kay nay djivell kek koy dren.

Jeremia 40:15

Kote penas o Yohanan čorrhanes ap o Gedalya: Mouk man te djap koy, te marap o Ismael. Kek hounte djinell, koon kova kras! Mer kamah gar, te dell lo tout moulo. Palle nay ačans i tsele menshe dran o them Youda, kay kate pash toute hi, bouder gar khetne, oun hounte djivans pale kate te kote! Oun kolla, kay pral ačans an o them Youda, vans maredo!

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 51:34

O foro Yerusalem penell: O Neboukadnezar, ko baro ray dran o them Babilonia, rhas man pre oun maras man. Har i baro panyeskro sap rhas lo man, oun kras peskro per pesso miro bravlepah. Palle vitsras lo man krik har i khoro, kay či dren hi. “Mou vell pral o foro Babilon ko čilačepen, hoy vas menge ninna kerdo”, penenn i menshe ap i berga Sion. “I Babilonarya moukan maro rat te nashell. Kanna mou nashell lengro rat!”

Jeremia 9:16

O baro Devel, ko ray pral o bolepen oun i phoub, penell: Denn garda ap kova, hoy vella! Denn kol djouvyen gole, kay i baro ropen krenna! Bičrenn pal kolende, kay hayvenn ropaskre gilya te givenn!

Ezekiel 12:20

An kol forya djivell bouder kek. Oun o harhetikro them vell i moulo them. Palle dikenn oun hayvenn t'mer, te hom me o baro Devel.

Ezekiel 24:11

Oun i piri, te hi bouder či an late dren, palle čip lat ap ko tele rhačedo kasht, hoy gomme lolo hi, te vell li tato, oun lakro saster lolo o tatepastar, te djal ko tselo čik tele, hoy les čiklo kras!

Ezekiel 35:14

Kava penell o baro Devel, maro ray: Tou, berga Seir, me krau toutar, te vess i moulo them. Oun ap i tseli phoub venn menshe barhtelo koy pral.

Ezekiel 5:14

Toutar, Yerusalem, krau i moulo foro. Či har barra ačenn toutar pral. I menshe an i vavar themma troul toute trouyel, san pral toute – hakeno kay djal koy oun dikell tout.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.

Ezekiel 6:14

Oun me hadau miro vast ap lende oun krau lengro them paash, te vell ko tselo them mank o moulo divyo them Youda oun o foro Ribla i mouklo them. Hako forestar, kay le djivan, ačell či har barra. Palle dikenn oun hayvenn le, te hom me, o baro Devel.

Ezekiel 6:6

An o tselo them ačell t'mare foryendar či har barra pral. T'mare moulne platse venn paash kerdo, oun i rhačepangre tele phagedo, te ačell lendar či har barra pral. T'mare rhorhene debla venn khetne dino, oun nay venn bouder gar an-mangedo. Oun kol boba, kay soungepaskro koova rhačran, venn tele dino. Kova, hoy kran t'menge, hi kanna paash.

Ezekiel 7:12

Ko tsiro vas, ko dives hi koy! O ginepaskro nay sal gar bouder. Oun kova, kay hounte bikrell čomone, hounte rovell gar koy pral. O baro Debleskri rholi vell pral kal tsele menshende.

Ezekiel 7:14

I menshe shounan, har an i phourdepaskri phourdedo vas, te kharenn le len an o kourepen, oun i kourepangre lan pengre karmangre. Oun palle vell miri rholi yaake sik pral lende halauterende, te djal kek koy.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Nahum 2:10

T'mer lourde, randenn roup, randenn sonakay! O foro hi pherdo bravlepen, pherdo kouč koova!

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Bičepangre 17:6

Har yon kol douyen gar hatsan, lan le o Yason oun vavar patslen, oun anan len glan kolende, kay his pralstoune pral ko foro, oun dan gole: “Kalla menshe krenn ap i tseli phoub čingepen. Kalla van kanna ninna kate pash mende,

5. Mose 28:64

Oun yob tradell t'men mank i menshende an i tsele themma ap kay phoub, kolen kate, oun kol vavaren kote. Lengre deblen dran kasht oun bar mangenn t'mer kote an. Kol deblen prindjrenn t'mer gar oun prindjran vitar gar t'mare phoure.

5. Mose 32:26

Te daroms me gar o sapen kolendar, kay hi rhoyedo pral lende, penoms me: “Me marau len halauteren, te vell lengro lab bistedo ap i phoub.” Kova krau gar, te phourdenn pen kolla gar pre, kay kouran pen lentsa, te nashte penenn yon gar: “Dran mari zoor vas kova. O baro Devel kras kava gar.”

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.