Jesaja 23:4 - O Debleskro Lab 2024 (Sinte-Manouche)

⁴ Kanna ladjenn t'men, t'mer menshe an o foro Sidon! O Tirus, ko zorelo foro pash o baro pani, ap koleste tout rikral, penell: “Me hom har i djouvel, kay kek čaven las. Vau bouder gar day, oun tserdau kek terne morshen oun kek terne ča pre.”

O Debleskro Drom 2021 (Sinte)

⁴ Kanna ladjenn tumen, tumer menshe an o foro Sidon! O Tirus, ko sorelo foro pash o baro pani, ap koleste tut rikral, penell: “Me hom har i djuwel, kai kek tchawen las. Wau buder gar dai, un tserdau kek terne murshen un kek terne tcha pre.”

Jesaja 23:4 ပူးပေါင်းရင်းမြစ်များ

1. Mose 10:15

O Kanaan: Leskre čave hi o Sidon oun o Het. O Sidon hi o phoureder čavo.

1. Mose 10:19

Lengro tselo them djas pral pash o foro Sidon oun tele pash o foro Gaza. Oun ap koy rig, kay o kham pre-djala, djas lo pash o foro Gerar oun doureder pash kol forya Sodom, Gomorra, Adma, oun Seboyim pash o foro Lesha.

Jeremia 25:22

i bare raya an i forya Tirus oun Sidon; i bare raya an i themma vergel o baro pani;

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

Ezekiel 28:21

Tou, mensho, dik kote, kay o foro Sidon hi, oun pen glan-vi, hoy pral o foro vella!

Ezekiel 28:22

Oun pen: Kava penell o baro Devel, maro ray: Kanna sikrau les touke, tou foro Sidon! Ap toute sikrau, har baro oun zorelo me hom, te dikenn oun hayvenn i menshe an toute, te hom me o baro Devel. Te vell miri phagi pral toute, sikrau i menshende, te hom o čačo Devel.

Josua 11:8

Oun o baro Devel das len an o Israeleskro vast. Oun yon dan len, oun lan len palla bis pash ko baro foro Sidon oun bis pash Misrefot-Mayim oun bis an ko telstouno them Mispe kote kay o kham pre djala. Oun yon maran len lauteren oun moukan kekes krik te nashell.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.