Jesaja 23:3 - O Debleskro Lab 2024 (Sinte-Manouche)

³ te ginenn le o djob oun o gib, hoy an i tala Shihor pash o pani Nil bares vas. Pral o baro pani anan le kova pash t'mende. O foro Sidon vas i parepangro foro i menshenge dran boud themma.

O Debleskro Drom 2021 (Sinte)

³ te ginenn le o djob un o gib, hoi an i tala Shihor pash o pani Nil bares was. Pral o baro pani anan le kowa pash tumende. O foro Sidon was i parepangro foro i menshenge dran bud themma.

Jesaja 23:3 ပူးပေါင်းရင်းမြစ်များ

1. Familjakro liil 13:5

Yaake moukas o David i tsele Israelitaryen khetne gole te dell, kotar, kay o pani Sihor hi an o them Egiptia, bis kotar, kay djal pash o foro Lebo-Hamat, te lenn le ko morhton o deesh labentsa o Deblestar dran o foro Kiryat-Yearim.

Jesaja 19:7

Ninna o zenlepen pash o pani merell tele, oun o djobeskro them, hoy pash leste čiddo hi, vell trouk. Oun i dourho hidjrell o djob krik oun hi gar bouder.

Jesaja 23:8

Koon penas, te vell kova pral o foro Tirus? Ko foro, hoy yaake zorelo his, te čivas lo raya dren pral vavar themma. Leskre parepangre his har rayengre čave, oun leskre bikepangre his mank i pralstunende ap i tseli phoub.

Jesaja 32:20

har barhtele nay venn t'mer, kay nay vitsrenn t'maro djob vin pash hake panya, oun nay moukenn t'mare groumya oun bourike kote djan oun rhan, kay le kamenn.

Jeremia 2:18

Hoy hi tout kolestar, te djah an o them Egiptia, oun kameh koy dran o pani Nil te piyell? Oun hoy hi tout kolestar, te djah tou an o them Assour oun kameh dran o pani Eufrat te piyell?

Ezekiel 27:33

Har tire parepangre pral o baro pani djan, oun an boud themma o bravlepen anan, kral tou koveha, hoy tout o parepaske his i raya ap i phoub braveles.

Ezekiel 28:4

Tiro gosvepah oun ko koveha, hoy tou halauter djineh, anal touke ko tselo bravlepen khetne. Tiro bravleskro kheer hi pherdo sonakay oun roup.

Joel 3:5

An ko tsiro vell yaake: Koon o baro Debleskro lab an-gole dell, kova vell vin lino dran o merepen. Ap i berga Sion oun an o foro Yerusalem nay vell lenge kek čilačepen, yaake har o baro Devel penas. Oun mank kolende, kay djido ačan, hi kolla, kolen o baro Devel peske vin rodas.

5. Mose 11:10

Kava them an kova t'mer venna, te lenn les t'menge dren, hi gar har ko them Egiptia, dran koleste t'mer vin djan. Kote hounte boudran phares te anenn o pani ap t'mari harhetikri phoub.

Josua 13:3

oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;