Jesaja 22:14 - O Debleskro Lab 2024 (Sinte-Manouche)

¹⁴ Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

O Debleskro Drom 2021 (Sinte)

¹⁴ Ap mande penas o baro Dewel, ko rai pral o bolepen un i phub: “Kaja doosh well lendar gar krik lino jaake rah har djiwenn le.”

Jesaja 22:14 ပူးပေါင်းရင်းမြစ်များ

2. Samuel 6:23

Oun i Mikal, o Sauleskri čay, kolat his kek ternepen an peskro tselo djipen.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Jesaja 31:2

Ninna yob hi gosevo oun djinell hoy lo krell. Yob bičrell i bibarht, oun lell gar peskre laba pale, kolentsa yob len trad das. I čilačen dell lo i phagi oun ninna kolen, kay lenge ap i rig van.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jesaja 65:20

Oun kote dell bouder kek ternepen, kay gar boud divessa phouro vell, oun kek phouro, kay merell glan peskro tsiro. O terneder lendar vell sheel bersh phouro. Oun kova, kay merell oun his kek sheel bersh phouro, kolestar penenn le, te vas pral leste i bibarht vin rakedo.

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

1. Samuel 3:14

Me dom man sovel glan leste, te nay lell či koy doosh krik, hoy leskri familya ap peste anas. Kek firho, vitar kek rhapen dran yarro, hoy yon mange anenn, nay lell koy doosh krik.”

1. Samuel 9:15

Yek dives glan kova, har o Saul gomme gar koy his, kras o baro Devel o Samueleske o kand pre oun penas leske: