Jesaja 21:1 - O Debleskro Lab 2024 (Sinte-Manouche)

¹ Kate sikrell o Devel, hoy pral o divyo them pash o baro pani vella. Har i zorelo dourho, hoy phourdell an o them Negev, venn i lourde dran i moulo tato them, oun dran i them, hoy traash pral i menshende anell.

O Debleskro Drom 2021 (Sinte)

¹ Kate sikrell o Dewel, hoi pral o diwjo them pash o baro pani wella. Har i sorelo ducho, hoi phurdell an o them Negev, wenn i lurde dran i mulo tato them, un dran i them, hoi traash pral i menshende anell.

Jesaja 21:1 ပူးပေါင်းရင်းမြစ်များ

Hiob 37:9

O zorelo phourdepen vell foun čačes dran peskro kheer, oun o shil vell foun serves.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Jesaja 14:14

Me djau doureder pre har i volke hi, oun krau man yaake bares har o Devel, ko pralstouno, hi.”

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jesaja 47:1

Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Jesaja 5:28

Lengre fayle hi har čourya, oun lengre boge hi pre tserdedo. Ko saster tel lengre grayengre pire hi zorelo har bar. Oun i rade ap lengre vourdya hi sik har i zorelo dourho, hoy phourdell pral i phoub.

Jeremia 51:1

Kava penell o baro Devel: Dik, me bičrau i dourho, hoy anell o merepen pral o them Babilonia oun pral kolende, kay kote djivenna – kolla, kay hadan pen pral mande.

Jeremia 51:42

I baro pani vas pral o foro Babilon, zorele panya čakran o foro tel pende.

Jeremia 51:51

T'mer penenn: I ladj vas pral mende. Menshe dran vavar themma praasan men oun san pral mende. Vi-themarya peran an o kheer o baro Deblestar dren.

Ezekiel 1:4

Oun me dikom i baro zorelo phourdepen, hoy vas foun kotar kay norden hi, oun tradas i bari folka glan peste. Oun yag vas vin, hoy pre oun tele djas. Oun o bolepen koy trouyel his shoukar har o kham. Oun mashkral dren his čomone, hoy dikas vin har sonakay, hoy an i yag thodo vell.

Ezekiel 30:11

Yob vell peskre zorele lourdentsa, kay dran boud themma venna, oun kay zilah ap vavarende djan, te krenn le o them paash. Oun yon djan ap i Egiptaryen pengre rharentsa pre, te venn an o tselo them i moule čiddo.

Ezekiel 31:12

Lourde dran vavar themma, kolen kek dji leske hi, van oun dan les trouyel, oun moukan les čiddo. Ap i berge oun an i tale peran leskre kashta. Ninna pash i tsele tikne panya an o them his lauter phagede kashta lestar čiddo. Oun i tsele menshe dran vavar themma, kay nay khatran pen bouder gar glan o kham tel leste, moukan les čiddo oun djan penge.

Ezekiel 38:9

Oun tou djah pre an o them, oun veh pral lende har i zorelo phourdepen, oun har i folka, hoy o tselo them tele čakrell, tou oun tire tsele lourde oun kol boud lourde dran vavar themma, kay touha djan.

Daniel 11:40

Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.