Jesaja 2:5 - O Debleskro Lab 2024 (Sinte-Manouche)

⁵ T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

O Debleskro Drom 2021 (Sinte)

⁵ Tumer menshe, kai wenn pal o Jakob, awenn, te djas o drom, kai o baro Debleskri momeli men sikrell, har te djiwas.

Jesaja 2:5 ပူးပေါင်းရင်းမြစ်များ

Debleskri gili 36:10

Tou hal o djido pani, hoy nevo djipen della. Tou hal i momeli maro djipaske.

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

Debleskri gili 89:16

Baro Devel, har barhtelo hi kol menshe, kay sharenn tout i gilyentsa, kay djivenn an tiro lačepen!

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

1. Johanni 1:5

Kova, hoy t'menge penah, shounam o Yezous Kristestar. Lestar shounam, kay hi lauter lačepen an o Debleste. Oun kek čilačepen hi an leste. O Devel hi har o dives oun kek tamlepen hi an leste.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.