Jesaja 2:12 - O Debleskro Lab 2024 (Sinte-Manouche)

¹² Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

O Debleskro Drom 2021 (Sinte)

¹² Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jesaja 2:12 ပူးပေါင်းရင်းမြစ်များ

2. Samuel 22:28

Tou veh ap i rig i čorvelenge, oun kol pre-phourden kreh tou tiknes.

Hiob 24:1

Hoske dell o zorelo Devel kek tsirya, kay rakrell lo o čačepen vin pral i čilačende? Kolla, kay les prindjrenn, dikenn gar, har oun kaana yob kova krell.

Debleskri gili 131:1

I gili o Davidestar te givell ap o drom an Yerusalem. Baro Devel, me hom gar pre-phourdo, oun mire yaka dikenn gar tele ap i vavarende. Me kamau gar baro koova, vitar gar savo koova, hoy dour pral mande hi.

Debleskri gili 18:28

Tou veh ap i rig i čorvelenge, oun kol pre-phourden kreh tou tiknes.

Debleskri gili 37:13

O baro Devel sal pral leste, yob dikell leskro dives te vell.

Debleskri gili 94:2

Tou hal o čačepaskro ray pral i tseli phoub, de kol pre-phourden pengri phagi!

Gosewe laba 16:5

O baro Devel dikell rhoyedes ap hakeneste, koles i pre-phourdo dji hi. O vast pre, kova lell peskri phagi.

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 10:33

Dikenn, har o baro Devel, ko ray pral o bolepen oun i phoub, peskri bari zoryah len tele dell har yek i kashta i roukendar tele dell, oun i bare rouka trouyel dell. Oun kolla, kay pen pre hadan, venn tiknes kerdo.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 13:6

Rovenn, o dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral t'mende.

Jesaja 13:9

Kanna vell lo, ko dives, kay o baro Debleskri rholi vell! Djungeles hi ko dives, pherdi rholyah. An leskri bari rholi krell o baro Devel i phoub paash, oun tradell i čilačen latar vin.

Jesaja 14:15

Ava, tele pash i moulende djal tou, an o telstouno moulengro them!

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jesaja 24:21

Oun ap ko dives dell o baro Devel i bolepangre lourden lengri phagi, oun ninna i bare rayen ap i phoub.

Jesaja 24:4

Hako zenlepen ap i phoub vell trouk oun merell tele. I phoub nashrell peskri zoor oun merell tele, oun i an-dikle menshen hi bouder kek zoor.

Jesaja 40:23

Yob krell, te vell i pralstunen bouder či penepaske, oun i rayenge pral i phoub lell lo lengri zoor krik.

Jesaja 42:15

Dran i tsele bare oun tikne berge krau i moulo them. Lengro zenlepen vell djelto. Kote, kay panya nashenn, vell i trouk them, oun i sapeni phoub vell trouk.

Jesaja 5:15

Oun yaake vell o mensho tikno, oun hounte dikell dren, te hi lo či. Oun kolla, kay dikan tele ap i vavarende, hounte čivenn pengre yaka tele pherdi ladj.

Jesaja 61:2

Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Jeremia 12:9

O them mire menshendar vas i them, kay i divye djoukle khetne van. Oun troul lende hi save čirkle, kay rhan mass: Avenn khetne t'mer tsele divye firhe! Kate hi rhapen!

Jeremia 13:9

Kova penell o baro Devel: Ninna kamau me o tselo pre-phourdepen i menshendar dran Youda oun Yerusalem paash te krell.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Jeremia 50:31

Dik, tou pre-phourdo, me kamau ap toute te vell, penell o baro Devel, ko ray pral o bolepen oun i phoub; tiro dives vas, ko tsiro, kay tiri phagi leh.

Ezekiel 13:5

Yon čivan pen gar pre an koy rheb, kay i barra vin phagedo van, oun kran kek massouri troul o kheer Israel, te ačans le zoreles tardo an o kourepen ap ko dives, kay o baro Devel o čačepen vin krell pral lende.

Amos 5:18

Djungeles djal kolenge, kay penenn: O baro Debleskro dives te vell sik! Hoy patsenn t'mer, hoy palle vell? Ko dives anell t'menge kali rat oun kek momeli!

Micha 2:3

Doleske penell o baro Devel ap lende: Kanna hom me, kay lell pes čilačo koova glan, hoy anau ap t'maro kheer! Vell yaake, har te vals i dori troul t'mari meen, oun t'mer nay tserdenn t'maro shero bouder gar vin, oun rikrenn les bouder gar pre. Savo čilačo tsiro vell pral t'mende.

Micha 5:11

Oun o tselo bengeskro koova lau t'mendar krik, kek dravepangre ačenn pash t'mende.

Zefanja 1:16

i dives, kay i kourepaskri gole shounlo vell, oun an i phourdepangre phourdedo vell, te djan i lourde an o kourepen, oun phagenn tele kol zorele forya oun bare massurya.

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Mateo 23:12

Kova, kay krell pes baro, koles krell o Devel tikneder har i vavar. Kova, kay krell pes tikno, koles krell o Devel baro.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

1. Korintarja 5:5

te merell leskro phouro djipen an leste, yaake te djal ko mensho gar nashedo ap ko dives, kay vell maro ray Yezous pale.

1. Tessalonikarja 5:2

T'mer djinenna, o ray Yezous vella har i čorepaskro an i rati.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.