Jesaja 19:24 - O Debleskro Lab 2024 (Sinte-Manouche)

²⁴ Ap ko dives vell o Israel o triinto baro them khetne i themma Egiptia oun Assour. Oun kolla triin hi i sikepen, havi bari barht o Devel i tsele menshenge ap i phoub anell.

O Debleskro Drom 2021 (Sinte)

²⁴ Ap ko diwes well o Israel o triinto baro them khetne i themma Egiptia un Assur. Un kolla triin hi i sikepen, hawi bari bacht o Dewel i tsele menshenge ap i phub anell.

Jesaja 19:24 ပူးပေါင်းရင်းမြစ်များ

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

Jesaja 19:23

Ap ko dives dell i drom, hoy djal dran o them Egiptia pash o them Assour. Oun i menshe dran Assour venn an Egiptia, oun i Egiptarya venn an Assour. Oun khetne mangenn le o Debles an.

Jesaja 19:25

O baro Devel, ko ray pral o bolepen oun i phoub, čivell peskri barht ap lende oun penell: Barhtelo hal tou Egiptia. T'mer han mire menshe. Barhtelo hal tou Assour. T'men krom me mire vastentsa. Barhtelo hal tou Israel. T'men rodom me mange vin, te venn mire menshe.

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

Jesaja 49:22

Kava penell o baro Devel, maro ray: Dik, me hadau miro vast oun miri themeskri plarhta pre, te sikrap i menshende an vavar themma, hoy te krenn le. Oun palle venn le oun hidjrenn tire morsh čaven ap i moussi pash toute, oun tire čen hidjrenn le ap pengri phik pash toute.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jesaja 65:22

Yon čivenn kek kheer pre tardo, oun i vavar djivell palle dren. Oun yon čivenn či an i phoub, oun i vavar rhal les palle. Yaake phouro i rouk vell, yaake phouro venn ninna mire menshe. Oun mire vi-rodede menshe venn i rah tsiro barhteles pral kova, hoy lengre vasta kran.

Jesaja 65:8

Kava penell o baro Devel: Yaake har kek harho peskre drake tele dell oun krik vitsrell, kay gomme mool an lende hi, yaake kamau me ninna te krell mire menshentsa, te moukap len gar lauteren te marell. Hi save mank lende, kay mange koy hi.

Jesaja 66:12

Kava penell o baro Devel ap o foro Yerusalem: Dik, me moukau boud lačepen pral toute te vell har i lengsto pani. Oun o bravlepen dran vavar themma nashell an toute har i divyo pani. Me dau garda ap toute har i day ap peskro ternepen, hoy hidjrell li ap i vasta, oun čivell les ap peskre herya oun khelell leha.

Ezekiel 34:26

Oun me čivau miri barht ap lende oun ap o tselo them, hoy troul miri berga hi. Oun dau brishin an o čačo tsiro. Kava lačo brishin krell,

Zakarie 8:13

T'mer menshe dran o them Youda oun dran o them Israel, hans i menshenge an vavar themma har menshe, ap kolende i bibarht čiddo hi. Kanna krau t'mentsa yaake, te dikenn le miri barht ap t'mende. Doleske ma darenn! Krenn t'mare vasta zoreles!”

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Remarja 15:27

Kol love dan le pengro tselo djiyestar. I patsle an o foro Yerusalem penan o Debleskro lačo lab kolenge, kay kek bibolde hi. Yaake hounte denn i patsle, kay kek bibolde hi, i biboldende lauter kova, hoy hounte vell len djipaske. Koya hi lengri siyaan.

Galatarja 3:14

Oun kova kras o Yezous Kristo, te vell o Debleskri zoor pash i tsele menshende, yaake har o Devel glan i rah tsiro o Abrahameske penas. Kanna nay lah mer lauter o Debleskro Dourho, te patsah mer ap o Yezouseste.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.