Jesaja 19:19 - O Debleskro Lab 2024 (Sinte-Manouche)

¹⁹ Ap ko dives hi mashkral an o them Egiptia i rhačepaskri, kay firhe o baro Debleske rhačedo venna, oun kote, kay i themma Egiptia oun Israel khetne venna, vell i baro bar o baro Debleske pre tardo, kay lo sharedo vella.

O Debleskro Drom 2021 (Sinte)

¹⁹ Ap ko diwes hi mashkral an o them Egiptia i chatchepaskri, kai vieche o baro Debleske chatchedo wenna, un kote, kai i themma Egiptia un Israel khetne wenna, well i baro bar o baro Debleske pre tardo, kai lo sharedo wella.

Jesaja 19:19 ပူးပေါင်းရင်းမြစ်များ

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 28:18

Taysarlakro stas o Yakob pre, las ko bar, hoy tel leskro shero čiddo his, čivas les pre, oun čoras djet koy pre.

Debleskri gili 68:31

de ko themes Egiptia trad, ko divyo firhes pash o pani. Činge kol zorelentsa oun rayentsa pral boud menshende! Čip tout kolenge an o drom, kay pal o roup nashenna. Trade kol natsyone, kolenge o marepen shoukar hi.

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Jesaja 60:7

I tsele bakre dran Kedar oun Nebayot venn anlo pash toute, te venn le maredo oun rhačedo o baro Debleske, te dikell lo lačes ap toute. Oun yaake krell o baro Devel peskro raylo kheer gomme shoukeder.

Jesaja 66:23

Oun hako čon, ap ko dives, kay vell o nevo čon diklo, oun hako kourko ap o Debleskro dives, venna menshe dran hake themma glan mande, te vitsrenn le pen glan mande tele, penell o baro Devel.

Jeremia 46:2

An o starto bersh, har o Yoyakim, koleskro dad o Yosia his, ko baro ray pral o them Youda his, rakras o baro Devel pral o them Egiptia. Koy his i lourde o Faraestar Neko, ko baro ray pral o them Egiptia, pash o pani Eufrat tardo pash o foro Karkemish. Oun o Neboukadnezar, ko baro ray dran o them Babilonia, kouras pes lentsa oun das len.

Ezekiel 29:1

An o deshto bersh an o deshto čon ap o 12. (deesh-te-douyto) dives an ko čon penas o baro Devel ap mande:

Ezekiel 30:1

Oun o baro Devel penas ap mande:

Ezekiel 31:1

An o 11. (deesh-te-yekto) bersh an o triinto čon ap o yekto dives an ko čon penas o baro Devel ap mande:

Ezekiel 32:1

An o 12. (deesh-te-douyto) bersh ap o 12. (deesh-te-douyto) čon, ap o yekto dives an ko čon, penas o baro Devel ap mande:

Zakarie 6:15

Dran dour themma venna kolla, kay krenn o baro Debleskro kheer. Oun palle dikenn t'mer, kay o baro Devel, ko ray pral o bolepen oun i phoub, kova hi, kay bičras man pash t'mende. Te krenn t'mer kova, hoy t'maro baro Devel t'menge penell, vella kova halauter yaake.

Hebrearja 13:10

Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.

Josua 22:10

Oun har van le pash i khetne čidde barra pash o pani Yordan, gomme an o them Kanaan, čivan le barra pre oun kran i baro altaro.

Josua 22:26

Doleske penam, mer krah i altaro, gar te rhačras firhen pre, oun rhas kote khetne glan o Debleste,

Josua 22:27

na-a, kava altaro te vell i sikepen, hoy sikrell mende oun t'mende oun mare čavende, kay pal mende venna, te nay vah mer glan o baro Debleskro kheer, te anas leske djob oun firhen, save, hoy venn leske rhačedo oun save, hoy rhah glan leste. Mer kamah gar, te penenn t'mare čave an ko tsiro, hoy vella, ap mare čavende: T'mer han gar o baro Debleskre menshe.

Josua 22:28

Oun mer penam menge: Te rakrens le yaake ap mende oun ap mare čavende, palle nay penah mer: Dikenn kava altaro o baro Deblestar! Mare phoure kran les, te sikrenn le, te ham mer ninna o baro Debleskre menshe. Yon kran les gar, te venn ap leste firhe rhačedo, vitar gar te rhas mer kate khetne glan o Debleste.

Josua 22:34

Oun i menshe dran i khera Ruben oun Gad dan pengro altaro o lab i sikepen menge halauterenge, te hi o baro Devel o čačo Devel.