Jesaja 19:18 - O Debleskro Lab 2024 (Sinte-Manouche)

¹⁸ Ap ko dives hi panč forya an o them Egiptia, kay rakrenn le o hebretikro rakepen, oun denn pen sovel pash o baro Debleste, ko rayeste pral o bolepen oun i phoub. Oun yek kol foryendar kharella Khameskro Foro.

O Debleskro Drom 2021 (Sinte)

¹⁸ Ap ko diwes hi pantch forja an o them Egiptia, kai rakrenn le o hebretikro rakepen, un denn pen sowel pash o baro Debleste, ko rajeste pral o bolepen un i phub. Un jek kol forjendar kharella Khameskro Foro.

Jesaja 19:18 ပူးပေါင်းရင်းမြစ်များ

1. Mose 11:1

An ko tsiro his i tsele menshen yek rakepen.

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Debleskri gili 68:31

de ko themes Egiptia trad, ko divyo firhes pash o pani. Činge kol zorelentsa oun rayentsa pral boud menshende! Čip tout kolenge an o drom, kay pal o roup nashenna. Trade kol natsyone, kolenge o marepen shoukar hi.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Jesaja 19:19

Ap ko dives hi mashkral an o them Egiptia i rhačepaskri, kay firhe o baro Debleske rhačedo venna, oun kote, kay i themma Egiptia oun Israel khetne venna, vell i baro bar o baro Debleske pre tardo, kay lo sharedo vella.

Jesaja 19:21

Oun o baro Devel sikrell pes palle i Egiptarende, oun yon prindjrenn les oun mangenn les an, oun anenn leske firhen oun rhapen, hoy vell leske rhačedo. Oun denn pen glan leste sovel, te denn le les čomone, oun rikrenn koy sovel ninna.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

Zefanja 3:9

Pal kova dau i menshen an i vavar themma djoudje mouya, te kharenn le halauter o baro Debleskro lab an, oun mangenn les khetne an.

Zakarie 2:11

Stenn pre, t'mer menshe dran Sion, kay djivenn an o them Babilonia, nashenn t'menge!”

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.