Jesaja 19:1 - O Debleskro Lab 2024 (Sinte-Manouche)

¹ Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

O Debleskro Drom 2021 (Sinte)

¹ Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jesaja 19:1 ပူးပေါင်းရင်းမြစ်များ

Debleskri gili 104:3

oun kral touke i kheer pral i panya. Tou oulereh ap i volke har ap i vourdin, oun i vinta hidjreh tout.

Debleskri gili 104:34

Mou vell miri gili leske shoukar! Me hom barhtelo pral miro baro Debleste.

Debleskri gili 18:9

Yagakro dourho djas dran leskro nak pre, baro tatepen vas dran leskro mouy vin, ninna yag das karye lestar vin.

Debleskri gili 68:4

Hi vavarčandes kolentsa, kay an o čačepen tardo hi: Yon venn barhtelo, stenn oun sanenn i barhtyatar glan o Debleste.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 13:7

Doleske hi i menshen bouder kek zoor, te krenn le čomone, oun daar peras ap lende.

Jesaja 19:16

Ap ko dives darenn i Egiptarya har djouvya; yon trissenn i trashatar glan o baro Debleste, ko rayeste pral o bolepen oun i phoub, ap ko dives, kay hadell lo peskro vast, te dell lo len.

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jeremia 25:19

Pal lende hounte piyenn i vavar menshe dran kava khoro: o baro ray pral Egiptia; ninna kol vavar pralstunende; oun i tsele Egiptarya;

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Jeremia 51:44

O baro Devel penell: Ava, me dom o rhorheno debles Bel an o them Babilonia peskri phagi, oun tserdom dran leskro mouy kova, hoy yob pre rhas. I menshe dran vavar themma nashenn leske bouder gar palla. I massurya o forestar Babilon peran khetne.

Ezekiel 30:13

Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.

Nahum 1:1

Kava hi ko liil, kay činlo hi, hoy rakras o baro Devel pral o foro Ninive. Yob sikras kova peskro rakepaskreste, o Nahoum. Kova vas dran ko gab Elkosh.

Nahum 1:3

O baro Devel vell gar sik rhoyedo. Les hi bari zoor, oun čačepah, hakeneste, kay doosh ap peste anas, dell yob peskri phagi. Kote, kay o baro Devel djal, phourdell i zorelo dourho. Oun i volke hi har koy čik, hoy leskre pire pre vitsrenn.

Zakarie 10:11

Te djan le daryah mank o baro pani, tradau me o pani pale. Oun o lengsto pani Nil, ninna te djal lo dour tele, vell trouk. Oun me rikrau o pre-phourdo them Assour tele. Oun o them Egiptia hi bouder gar o ray pral vavar themma.

Zakarie 14:18

Ninna te hi kolla i Egiptarya, kay djan gar pre an Yerusalem glan o baro Debleste, lenn le koy phagi, hoy dell o baro Devel i menshenge an i tsele themma, kay venn gar pre an Yerusalem, te rikrenn le kol bare divessa, kay i menshe an patyengre khera djivenna.

4. Mose 33:4

har kolla pengre phoureder morsh čaven paskran, kolen o baro Devel maras mashkral lende. Yaake sikras lo i Egiptarende, te hi lo zorleder har lengre debla.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

Josua 2:11

Oun har kova shounam, vas bari traash ap mende, oun an kekeste mendar ačas i zoor, te djal lo pre ap t'mende. O baro Devel hi t'maro Devel, oun hi o Devel pral an o bolepen oun kate tele ap i phoub.

Josua 2:24

Oun yon penan ap o Yosua: “O baro Devel das o tselo them an maro vast. Ninna halauter kolla, kay koy djivenn, hi har bango daryatar glan mende.”

Josua 2:9

oun penas ap lende: “Me hayvom, te das o baro Devel t'men kava them. I bari traash glan t'mende peras ap mende. Oun hakeno, kay kate djivell, hi har bango daryatar glan t'mende.

Debleskro tsiro 1:7

Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.