Jesaja 18:4 - O Debleskro Lab 2024 (Sinte-Manouche)

⁴ O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

O Debleskro Drom 2021 (Sinte)

⁴ O baro Dewel penas ap mande: Fun pral dran miro kheer lau an i jak, hoi djala ap i phub, un atchau pokones har o tatepen mashkral o diwes, un har i sapeni wolka an o tato tsiro, kai o djob dren anlo well.

Jesaja 18:4 ပူးပေါင်းရင်းမြစ်များ

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

2. Familjakro liil 6:21

Shoun miro mangepen oun ninna ko mangepen tire menshendar Israel, te denn le gole ap toute kay ap kava kotar phoub. Oun tou te shouneh les an tiro kheer an o bolepen, palle ab kamles, oun le koy doosh mendar krik.

Debleskri gili 72:6

Mouk les te vell har o brishin, hoy perell ap i phoub, har o pani, hoy krell o them sapeno.

Gosewe laba 19:12

Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 18:7

An ko tsiro venna kol morsha, kay yaake baro oun djeteha dren maklo hi, dran koy natsyona, kolendar i menshe darenna an hake themma, kolla, kay bari zoryah i vavarende khetne stakrenn, oun an kolengro them bare lengste panya nashenna. Yon venna oun anenn kouč koova o baro Debleske, ko rayeske pral o bolepen oun i phoub. Kova anenn le pash i berga Sion, kote kay yob khere hi.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.