Jesaja 17:14 - O Debleskro Lab 2024 (Sinte-Manouche)

¹⁴ Ap i rati krenn le i menshen bari traash. Oun glan o nevo dives vella, hi le gar bouder koy. Yaake djal kolenge, kay kamenn men vin te randell. oun kamenn menge kova te čorell, hoy menge hi.

O Debleskro Drom 2021 (Sinte)

¹⁴ Ap i rati krenn le i menshen bari traash. Un glan o newo diwes wella, hi le gar buder koi. Jaake djal kolenge, kai kamenn men win te randell. un kamenn menge kowa te tchorell, hoi menge hi.

Jesaja 17:14 ပူးပေါင်းရင်းမြစ်များ

2. Rajengro liil 19:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Hiob 20:29

Kava hi, hoy o Debles i čilačenge hi, kova, hoy lo lenge glan dikas.

Debleskri gili 37:36

Oun har vom i vavar kopo koy, his lo bouder gar koy. Oun me rodom les, oun hatsom les gar.

Gosewe laba 22:23

O baro Devel lell lengro koova an o vast. Oun kova, kay len vin randas, koleske lell yob o djipen krik.

Jesaja 10:25

An i tikno tsiro rissrau miri rholi t'mendar krik, oun miri rholi perell ap i menshende an o them Assour oun anell lenge o merepen.

Jesaja 21:12

Me penau: “Ninna te vell o dives sik, kanna hi gomme rat! Te kamenn i vavar kopo te poučell, palle avenn pale!”

Jesaja 29:2

Me anau yaake boud traash ap o foro Ariel, te denn t'mer bari gole, oun denn i vasta khetne pral o shero. Oun palle vell o foro i čačo rhačepaskro bob mange.

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Jesaja 29:7

Oun kol tsele natsyone, kay pengre boud lourdentsa ap o foro Ariel djan, oun o foro dren pandan, oun leske daar kran, kolla hi yaake sik krik, har djal i souni krik, oun kova, hoy yek an i souni dikas.

Jesaja 30:28

Oun leskro dourho hi yaake zorelo har i pani, hoy zoryah nashell, oun hoy i mensheske bis pash i meen djala. Yob lell i natsyone oun vitsrell len trouyel, oun trissell len, bis te gar boud lendar pral ačenn. Oun yob čivell saster an lengre mouya, har te vans le graya, oun tradell len koleha kate te kote.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 33:18

Kova, hoy glan kava tsiro touke traash kras, vell tout an o shero, oun tou poučeh toutar: Kay hi kol činepangre, kay mendar love lan? Kay hi kol pralstoune, kolenge roup ap i vaga hounte čivam? Kay hi kova, kay pal dikas, har boud turme koy hi?

Jesaja 34:17

Oun yob das len ko them, hakenes peskro kotar; oun hakenes hi peskri platsa, kay lo khere hi, te djivenn yon oun pengre čave an ko them hako tsireske, yaake rah, har save lendar koy hi.

Jesaja 41:12

Tou rodeh len palle, oun nay hatseh len gar. Kol morsha, kay pen touha čingrenn, har či hi le. Oun har vans le gar koy, venn kol morsha, kay kouran pen touha.

Jeremia 13:25

T'mer bistran man oun djan rhorhene deblen palla. Doleske vell kay phagi pral toute, Yerusalem, hoy me, o baro Devel tout dau.

Jeremia 2:3

An ko tsiro hals mange kokres koy, yaake har o nevo djob mange hi. Koon tout an-tapras, anas doosh ap peste, oun i bibarht vas pral leste. Kova penell o baro Devel.

Jeremia 49:10

Me dom o kheer Esau an lengre vasta, oun čakrom lengro khatepen pre, te nay khatrenn le pen gar. Lengre čave, lengre phrala oun kol menshe, kay djivan lentsa khetne, venn maredo. Oun kek lendar hi koy, kay nay penell:

Ezekiel 39:10

Oun yon hounte lenn bouder kek kasht an o veesh khetne, vitar gar hounte denn le rouka tele, te vell len yagakro kasht. Na-a, kol karmangre lenn le oun krenn lentsa pengri yag. Oun yon randenn kolen vin, kay kaman len vin te randell. Kolla, kay kaman pash lende te čorell, venn kanna lendar vin čoredo. Kava penell o baro Devel, maro ray.

Zakarie 2:12

O baro Devel, ko ray pral o bolepen oun i phoub, kova, kay bičras man, yob penell pral i menshende an kol vavar themma, kay čoran t'men vin: “Hakeno kay doukrell t'men, doukrell kova, hoy hi mange yaake kouč har miro yak.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.