Jesaja 17:13 - O Debleskro Lab 2024 (Sinte-Manouche)

¹³ Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

O Debleskro Drom 2021 (Sinte)

¹³ Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jesaja 17:13 ပူးပေါင်းရင်းမြစ်များ

Hiob 21:18

oun phourdas les krik, har phourdell i dourho o phouss krik, oun har hidjrell i zorelo phourdepen o čik krik.

Hiob 38:11

Oun me penom: “Bis kate, oun gar doureder vess! Tire zorele panya hounte djan gar pral vergel!”

Debleskri gili 1:4

Yaake hi i čilačentsa gar. Yon hi har čik, hoy i dourho krik phourdell.

Debleskri gili 35:5

Mou tradell len o baro Debleskro bolepaskro krik, yaake te venn le har phouss, hoy i dourho krik phourdell!

Debleskri gili 65:7

Tiri zoryah čival tou i berge zoreles ap i phoub, oun čival tiri bari zoor troul toute har i ripen.

Debleskri gili 65:8

Tou peneh ap o divyo pani: “Mouk tele”, oun ap o pani, hoy dour pre djal: “Čip tout”, oun ap koy divyi gole, hoy i menshe an vavar themma krenna: “Ač kanna!”

Debleskri gili 9:5

Ava, tou lal miro koova an tiro vast, oun beshal tout ap tiro čačepaskro stamin oun dal man čačes. Tou hal i čačepaskro ray, kay an o čačepen tardo hi.

Jesaja 14:25

Me dau i Assiryen an miro them, ap mire berge stakrau len khetne, te nay rikrenn le bouder gar mire menshen tele, oun krenn lenge bouder gar i pharo djipen.

Jesaja 21:15

Yon nashenn penge glan o rharo, ava, glan o vi-tserdedo rharo, oun glan ko bogo, hoy pral rikedo vas. Glan ko pharo zorelo marepen nashan le penge.

Jesaja 22:18

oun pandell tout khetne har te pandals lo i shereskro pandepen oun palle vitsrell yob tout i zoryah an i bourhlo them. Kote mereh tou. Oun kote ačenn tire kouč vourdya. Tou hal i ladj ko khereske tiro rayestar.

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Jesaja 30:28

Oun leskro dourho hi yaake zorelo har i pani, hoy zoryah nashell, oun hoy i mensheske bis pash i meen djala. Yob lell i natsyone oun vitsrell len trouyel, oun trissell len, bis te gar boud lendar pral ačenn. Oun yob čivell saster an lengre mouya, har te vans le graya, oun tradell len koleha kate te kote.

Jesaja 34:17

Oun yob das len ko them, hakenes peskro kotar; oun hakenes hi peskri platsa, kay lo khere hi, te djivenn yon oun pengre čave an ko them hako tsireske, yaake rah, har save lendar koy hi.

Jesaja 40:15

Dik, i menshe dran vavar themma hi leske gar boudeder moldo har o pani, hoy ap o khoro tele nashell, oun har i stauba, hoy ap i vaga čiddo ačas. Dik, i tikne themma an o baro pani hidjrell lo pre, har te vans le i vast pherdo čik.

Jesaja 40:24

Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.

Jesaja 41:11

Dik, ladj vell ap lauterende, kay hi rhoyedo touha, oun yon venn sapaske i vavarenge. Oun kolla, kay kourenn pen touha, hi sik bouder gar koy. Či ačell lendar.

Jesaja 8:7

Doleske moukell o Devel o baro rayes dran Assour pral lende te vell. Leskre boud zorele lourde venna har o baro zorelo pani o panyestar Eufrat, hoy djal divyes pral peskre rigya oun čakrell i phoub koy trouyel.

Daniel 2:35

Koy djas i tseli figura paash. Oun o saster, i phoubyakri čik, o lolo saster, o roup oun o sonakay peran khetne an tikne kotya. Oun i dourho phourdas len krik har phouss. Oun kek nay hatsas len bouder. Oun ko bar, hoy koy figura khetne das, vas i bari berga, oun las i tseli phoub dren.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Zefanja 2:2

glan ko dives, kay vell kova, hoy yob peske glan las, oun t'mer krik phourdedo venn har o djobengri čik, hoy i dourho krik phourdell; ava, glan ko dives, kay vell koy zoreli rholi o baro Deblestar pral t'mende, oun yob i phagi pral t'mende vin rakrell!