Jesaja 17:10 - O Debleskro Lab 2024 (Sinte-Manouche)

¹⁰ Israel, tou bistral tiro Debles, kova, kay tout vin las dran i čilače vasta. Tou bistral koles, kay his touke har i baro zorelo bar, pal koleste nay khatral tout. Oun kral touke pre-čidde barra, kay mangeh vavar deblen an. Ninna te čival kote shoukar drakengre rouka an i phoub,

O Debleskro Drom 2021 (Sinte)

¹⁰ Israel, tu bistral tiro Debles, kowa, kai tut win las dran i tchilatche wasta. Tu bistral koles, kai his tuke har i baro sorelo bar, pal koleste nai khatral tut. Un kral tuke pre-tchidde barra, kai mangeh wawar deblen an. Ninna te tchiwal kote shukar drakengre ruka an i phub,

Jesaja 17:10 ပူးပေါင်းရင်းမြစ်များ

1. Familjakro liil 16:35

Penenn: Maro Devel, ab ap mari rig! tou hal kova, kay lell men vin dran o čilačepen. Doleske le men vin dran i vasta kol vavar menshendar! An men pale lauter khetne, te sharas tout oun parkras men pash toute, kay kokres o čačo Devel hal.

Debleskri gili 106:13

Sik bistran le lauter, hoy yob kras, oun poučan gar, hoy yob lendar kamell.

Debleskri gili 106:21

Yon bistran ko Debles, kay lengro djipen dran o merepen vin las, oun baro koova an o them Egiptia kras,

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 31:2

Baro Devel, pash toute vau, te rikress tire vasta pral mande. Mouk man gar čičeske pash toute te vell! Tou hal lačo oun čačo. Doleske le man dran i čilače vasta vin!

Debleskri gili 65:5

Har barhtelo hi kova, koles tou touke vin rodal, oun moukeh les pash toute te vell, te djivell lo ap i platsa glan tiro kheer. Kova vell čalo o lačepastar an tiro raylo kheer, kay tou djiveh.

Debleskri gili 79:9

Ab ap mari rig, maro Devel! oun le men vin! Le men vin dran lengre vasta, te vell tiro lab hadedo! Oun le mari doosh mendar krik, te vell tiro lab pale baro!

Debleskri gili 85:4

Tou rikral tiri rholi pale, oun rhačral bouder gar i rholyatar.

Debleskri gili 9:17

O baro Devel sikras, koon yob hi, oun das i čilačende pengri phagi. I čilače pandan pen an koy netsa, hoy yon pengre vastentsa kran.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jesaja 17:9

An kol divessa hi lengre zorele barrengre forya mouklo čiddo, har i forya, hoy i Hivarya oun i Amorarya pal pende moukan, har nashan le penge glan i Israelitaryen. Oun kek mensho djivell bouder koy.

Jesaja 18:5

Ap ko tsiro, kay i drake bares venn, glan kova kay le dren lino venn, činell o baro Devel peskro čouryeha i neve kashta tele. Ninna kolla, kay lengsto oun sano hi, dell lo tele.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 26:4

Doleske, rikrenn t'men ap o baro Debleste hako tsiro, O baro Devel, maro ray, hi har i baro zorelo bar, pash leste nay khatrah men hako tsireske.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jesaja 33:2

Baro Devel, ab lačes menge! Ap toute dikah. De men zoor hako dives! An ko pharo tsiro le men vin dran i bibarht!

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jesaja 62:11

Dikenn, o baro Devel moukell kal laba te shounell ap i tseli phoub: Penenn i menshenge an o foro Yerusalem: Kova, kay lell t'men vin dran o čilačepen, hi ap o drom. Kolen yob peske khetne anas, kolla hi pash leste. Ava, kolen yob peske ginas, kolla djan glan leste.

Jeremia 12:13

Mire menshe čivan djob an i phoub, oun soubyengro zenlepen lan le khetne. Yon maran pen tele, oun lan či dran lengri phari boudi. Lauter his čičeske! His koy bari rholi o baro Deblestar, hoy kras lauter paash.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

Jeremia 2:32

Nay bistrell i terni čay peskro sonakay, i terni djouvel, kay kamell romedinerell, peskro biyabeskro ripen? Na-a! Mire menshe bistrenn man pale te pale.

Jeremia 3:21

I gole oun i ropen vell shounlo ap o pralstouno them: Kolla hi i Israelitarya, kay djivan i čilačo djipen, oun bistran lengro baro Debles.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

Ezekiel 23:35

Tou bistral man oun sikral man o doumo. Doleske hidje kanna tiri doosh, hoy ap toute anal, har vi-ladjedo koova kral oun har i loubni djival. Kova penell o baro Devel, maro ray.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Hosea 8:14

I Israelitarya bistran koles, kay kras len. Yon krenn penge bare shoukar khera. Oun i menshe an o them Youda krenn penge zorele forya. Me, o baro Devel, vitsrau i yag an lengre forya, hoy lengre khera pre rhačrell.

Joel 1:17

O djob an i phoub meras tele, kek rhapen hi bouder an i djobengre khera, o djob vas djoungelo, oun i djobengre khera phagenn khetne.

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

3. Mose 26:20

T'mari phari boudi hi čičeske. Ap t'mari harhetikri phoub vell či bares. Oun i rouka an o them hidjrenn kek roukengre.

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Habakuk 3:18

Miro dji hi barhtelo pral o baro Debleste, Miro dji givell oun djinell: Miro Devel lell man vin dran o merepen.

Zefanja 1:13

Lengro bravlepen vell randedo, oun lengre khera khetne dino. Yon krenn penge khera oun djivenn gar koy dren, oun čivenn drakengre rouka an i phoub, oun piyenn kek mool kolendar.

5. Mose 28:30

Kova mank t'mende, kay poučas i terni čay, te romedinerell li les, dikell, har i vavar morsh vell oun lell lat peske. Kova, kay čivas peske i kheer pre, nay djivell gar dren. Kova, kay čivas drakengre rouka an i phoub, nay rhal gar lengre drake.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.

5. Mose 32:18

Ko Devel, kolestar t'mer van, oun kova, kay rikras t'men, koles čivan t'mer ap i rig. Ko Devel, kay kras t'men, koles bistran t'mer.

5. Mose 32:31

Kolengre debla hi gar har maro Devel. Kova djinenn oun penenn ninna kolla, kay kouran pen mentsa.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

5. Mose 6:12

palle de yak, te bistress gar o baro Debles, kay anas tout vin dran o pandepen dran o them Egiptia.

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

5. Mose 8:19

Ma bistrenn t'maro baro Debles! Ma nashenn vavar deblen palla! Oun ma vitsrenn t'men glan lende tele, te mangenn len an! Te krenn kova, palle dau t'men kava dives miro lab pre, te venn t'mer yaake moulo dino,