Jesaja 14:31 - O Debleskro Lab 2024 (Sinte-Manouche)

³¹ Denn zoreles gole, t'mer, kay han tardo pash o foreskre voudya! Rovenn bari golyah, t'mer, kay djivenn an o foro! Trissenn i daryatar an o tselo them Filistia! Foun kotar, kay norden hi, vell yagakro dourho oun boud boud lourde, oun kek kolendar ačell pale.

O Debleskro Drom 2021 (Sinte)

³¹ Denn soreles gole, tumer, kai han tardo pash o foreskre wudja! Rowenn bari goljah, tumer, kai djiwenn an o foro! Trissenn i darjatar an o tselo them Filistia! Fun kotar, kai norden hi, well jagakro ducho un bud bud lurde, un kek kolendar atchell pale.

Jesaja 14:31 ပူးပေါင်းရင်းမြစ်များ

Jesaja 13:6

Rovenn, o dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral t'mende.

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jesaja 16:7

O dives vell, kay rovenn le an o them Moab. Halauter rovenna. Lenge hi phares an o dji, te hi len bouder kek drakengre merklia, hoy van kerdo an o foro Kir-Heres. Dino an o dji denn yon gole i doukatar.

Jesaja 20:1

O baro ray pral o them Assour, o Sargon, bičras peskro pralstouno lourdes, te kourell lo pes o foreha Ashdod. Oun an ko bersh, har yob ko foro dren las,

Jesaja 24:12

An o foro hi kokres paash dine khera. Oun leskre bare voudya hi an kotya dino.

Jesaja 26:1

Ap ko dives givenn le kay gili an o them Youda: Men hi i zorelo foro. O Devel čivas zorele massourya troul mende, te krell kek menge čilačepen.

Jesaja 3:26

I menshe an tiro foreskre voudya, Yerusalem, denn palle gole oun rovenn. Oun o foro hi palle vi-čoredo oun mouklo.

Jesaja 34:16

Rodenn kanna an o liil o baro Deblestar oun draverenn, hoy kote činlo hi: Kal tsele firhendar oun čirklendar hi koy. Kek lendar hi kek romyah. Yaake penas o baro Devel, oun leskro dourho anas len khetne.

Jesaja 45:2

Me djau glan toute, oun krau tiro drom čačo. Me dau kol sasterne voudya dren, oun phagau ko saster, hoy rikrell kol voudya pandles.

Jeremia 1:14

Oun o baro Devel penas ap mande: Kotar, kay norden hi, vell i bibarht pral halauterende, kay djivenn an kava them.

Jeremia 47:2

Kava penell o baro Devel: Dik, panya venna koy rigyatar, kay norden hi. Oun kolla venna i divyo zorelo lengsto pani, hoy čakrell kava tselo them tel peste, oun halauter hoy koy dren hi, i forya oun kol menshen, kay kote djivenna. Oun i menshe an kava them denn gole oun rovenna.

Jeremia 47:4

Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.