Jesaja 14:29 - O Debleskro Lab 2024 (Sinte-Manouche)

²⁹ T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

O Debleskro Drom 2021 (Sinte)

²⁹ Tumer menshe an o them Filistia, ma awenn bachtelo, te was o kasht, koleha dino wan, kanna phagedo. Te merell i sap, well i djungleder sap pal leste. Un lestar well i wawar sap, hoi hi gomme djungleder un nai hadell pes har i tchirklo.

Jesaja 14:29 ပူးပေါင်းရင်းမြစ်များ

2. Rajengro liil 18:8

O Hiskiya kouras pes ninna i menshentsa dran o them Filistia oun las len palla bis pash Gaza oun ko them trouyel. Oun las i tikne gaba oun i zorele forya dren.

2. Familjakro liil 26:6

Oun yob djas an o kourepen oun kouras pes i Filistarentsa oun phagas i massurya tele troul i forya Gat, Yabne oun Ashdod. Oun moukas zorele barrengre khera te krell an o them troul Ashdod oun an o Filistarengro them.

2. Familjakro liil 28:18

Ninna i Filistarya peran an i forya an o them Youda dren – an kol forya, kay hi an o bergetikro them oun an o moulo them Negev. Oun yon lan penge kal forya: Bet-Shemesh, Ayalon, Gederot oun Soko oun i tsele gaba koy trouyel, oun Timna oun i tsele gaba koy trouyel, oun Gimso oun i tsele gaba koy trouyel, oun yon djivan kote.

Gosewe laba 24:17

Te perell kova, kay touke čilačepen kamell, ma ab barhtelo! Tiro dji te sal gar pral leskri bibarht!

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jesaja 11:8

Oun i tikno čavo khelell pes kote, kay i čilačo sap khere hi, oun taprell peskro vasteha tel o bar, kay ko sap hi. Oun o sap dandrell les gar.

Jesaja 14:31

Denn zoreles gole, t'mer, kay han tardo pash o foreskre voudya! Rovenn bari golyah, t'mer, kay djivenn an o foro! Trissenn i daryatar an o tselo them Filistia! Foun kotar, kay norden hi, vell yagakro dourho oun boud boud lourde, oun kek kolendar ačell pale.

Jesaja 2:6

Baro Devel, tou moukal tire menshen. Yon krenn dravepangro koova, har kol menshe, kay venn kotar, kay o kham pre djala. Oun yon hi dourkepangre har i Filistarya. I menshentsa dran vavar themma krenn le čomone vin, oun denn pengro dadeskro vast pre.

Jesaja 30:6

Kate sikrell o Devel, hoy pral i firhende an o moulo tato them Negev vella: An o them pherdi daar oun traash, kay djivenn o levo oun i levetsa, ninna čilače sapa oun vavar sapa, kolengro dandepen o merepen anell, kote hounte hidjrenn i bourike pharo koova ap pengro doumo, oun i khamele boud kouč koova ap pende, hoy anenn i menshe dran Youda pash kol menshende, kolendar yon či hi.

Jeremia 47:1

Glan ko tsiro, kay o Farao ko foro Gaza khetne das, rakras o baro Devel ap peskro rakepaskro, o Yeremia, pral i Filistarende.

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Ezekiel 25:15

Kava penell o baro Devel, maro ray: An i tsele tsirya his i Filistarya ap čingepen oun kourepen mire menshentsa vin. Baro čilačepah djan le ap lende pre, oun kaman len te marell.

Ezekiel 26:2

Tou, mensho, kol menshe dran o foro Tirus san oun penenn pral o foro Yerusalem: Tele phagedo hi ko foro, kolestar boud parepangre vin djan an vavar themma parepaske. Kanna ham mer kolla, kay venn bravelo. O forestar Yerusalem ačas či har barra pral!

Ezekiel 35:15

Tou hals barhtelo, har vas o Israelengro them i moulo them. Doleske krau, te djal touke yaake har lenge djas. I berga Seir khetne o tselo them Edom vell i moulo them. Palle dikenn oun hayvenn i menshe, te hom me o baro Devel.

Hosea 9:1

Ma de gole i barhtyatar, Israel, har i menshe an vavar themma krenna! Tiro Deblestar djal tou krik oun vavar deblenge palla. Tou bikreh tout ap lende ap haki platsa, kay o djob vin dino vella.

Joel 3:4

Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.

Amos 1:6

O baro Devel penell: I menshe dran o foro Gaza kran pale te pale djoungelo koova. Yon lan i menshen dran tsele gaba pandlo, oun bikran len an i vasta kolendar dran o them Edom, te venn le lengre boudepangre. Doleske lenn le pengri phagi oun khaytenn man gar.

Amos 1:8

Oun moukau i raya pral i forya Ashdod oun Ashkelon moulo te dell, oun dau o fores Ekron. Oun i tsele Filistarya, kay pral ačan, merenna.

Obadja 1:12

Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

Micha 7:8

Ma san pral mande, t'mer, kay kamenn man tele te rikrell! Ninna te vom ap i phoub vitsedo, stau me pale pre. Ninna te hom an i kali rat beshdo, hi o baro Devel miri momeli.

Zefanja 2:4

O foro Gaza vell mouklo, oun o foro Ashkelon vell paash dino. I menshe an o foro Ashdod venn mashkral ap o dives dran o foro tradedo. Ninna kolla an o foro Ekron venn dran lengro foro vin tradedo.

Zefanja 2:5

Djungeles djal kolenge, kay pash o baro pani djivenn, kol menshenge, kay kharenna Kretarya! O baro Devel moukell t'menge te penell: Tou them Kanaan, them, kay djivenn i Filistarya, me kamau tout te marell. Kek t'mendar, kay kote djivell, ačell djido.

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Zakarie 9:5

I menshe an o foro Ashkelon shounenn kolestar oun trashenna, oun kolla an o foro Gaza lenn bari daar, ninna kolla an o foro Ekron. Len hi bouder kek, kay rikrell peskro vast pral lende. An o foro Gaza dell bouder kek baro ray, oun an o foro Ashkelon djivell bouder kek Israelitari.

4. Mose 21:8

Koy penas o baro Devel ap o Moseste: “Kre touke i sap dran saster! Oun čip les ap i lengsto kasht! Koon dandedo vas oun dikell koy pre, kova ačell djido.”

Josua 13:3

oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;