Jesaja 14:24 - O Debleskro Lab 2024 (Sinte-Manouche)

²⁴ O baro Devel, o ray pral o bolepen oun i phoub, penas oun das pes sovel: Yaake har me les mange glan lom, yaake krau les ninna. Oun yaake har an miro dji hi te krap, yaake vell ninna.

O Debleskro Drom 2021 (Sinte)

²⁴ O baro Dewel, o rai pral o bolepen un i phub, penas un das pes sowel: Jaake har me les mange glan lom, jaake krau les ninna. Un jaake har an miro dji hi te krap, jaake well ninna.

Jesaja 14:24 ပူးပေါင်းရင်းမြစ်များ

1. Mose 41:32

Kay o baro ray das kova douy kope souni, penell menge, te krell o Devel kova čačepah, oun te krell lo les sik.

Hiob 23:13

Yob ačell koon yob hi. Koon nay anell les kolestar krik, hoy lo kamell te krell? Kova, hoy kamell lo te krell, kova krell lo.

Debleskri gili 110:4

O baro Devel das pes sovel, oun yob las lat gar pale. Yob penas: “Tou hal rashay hako tsireske, savo har o Melkisedek his.”

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Debleskri gili 92:5

Kova, hoy tou kral, baro Devel, moukell man barhteles te givell. Kova, hoy tire vasta lauter kran, sharau me.

2. Mose 17:16

Oun o Mose penas: “Kova vas, har hadom mire vasta pre ap o baro Debleste. An ko tsiro, hoy vella, dell o baro Devel i Amalekarya pale te pale.”

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 19:12

Tou, ray pral Egiptia, kay hi tire goseve morsha? Nay penenn le touke, hoy o baro Devel, ko ray pral o bolepen oun i phoub, kamell te krell tiro themeha?

Jesaja 19:17

oun yon darenn o themestar Youda. Hako kopo, kay vell o lab Youda vi-rakedo, trissenn le glan kova, hoy o baro Devel, ko ray pral o bolepen oun i phoub, penas, te anell lo pral lende.

Jesaja 55:8

O baro Devel penell: Kova, hoy mange an o shero djal, hi gar kova, hoy t'menge an t'mare sherya djal. Oun t'mare dromma hi gar mire dromma.

Jesaja 55:9

Yaake dour o bolepen pral i phoub hi, yaake dour hi ninna mire dromma pral t'mare dromma, oun kova hoy mange an miro shero djal, hi feteder har kova, hoy t'menge an t'mare sherya djal.

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Jeremia 29:11

Djinau mishto, hoy man t'menge an o shero hi: lačo koova oun gar čilačo koova, te djal t'menge yaake har t'mer kamenna.

Jeremia 44:26

Kanna shounenn, hoy o baro Devel t'menge penell, t'mer halauter dran o them Youda, kay djivenn an o them Egiptia: Me dau man sovel pash miro baro lab, penell o baro Devel, te vell miro lab bouder gar vin rakedo kol menshendar dran o them Youda, kay kate an o them Egiptia djivenn. Kek lendar hounte penella: “Pash o djido Debleste, maro rayeste!”

Jeremia 49:20

Shounenn, hoy o baro Devel peske glan las, te krell lo ap i Edomarya, oun hoy kamell lo te krell i menshentsa an o foro Teman. Čačepah, yon halauter venn krik tradedo har bakre, ninna lengre tikne čave venn krik tserdedo. Hakeneske, kay dikell kova, ačell o rakepen krik.

Jeremia 50:45

Shounenn, hoy o baro Devel peske glan las te krell lo ap o foro Babilon, oun hoy kamell lo te krell i menshentsa an o them Babilonia. Čačepah, yon halauter venn krik tradedo har bakre. Ninna lengre tikne čave venn krik tserdedo. Hakeneske, kay dikell kova, ačell o rakepen krik.

Ropaskre gilja 3:37

Koon hi kova, kay penas Kova te vell oun yaake vas. Hi kova gar o Devel, kay penell, te vell čomone?

Ezekiel 12:25

Me, o baro Devel, penau ap t'mende! Kova, hoy me rakrau, vell ninna, oun vell an i tikno tsiro. T'menge, kay moukenn t'men či te penell, penau me: Yaake rah har t'mer djivenn, krau, te vell čačo, hoy penom. Kava penau me, o baro Devel, t'maro ray.

Ezekiel 39:4

Ap i berge Israel veh tou moulo dino, tou oun tire tsele lourde, ninna kol lourde dran vavar themma, kay touha van. Oun me dau t'men i divye firhenge oun hake čirklenge, kay mass rhan, te rhal.

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

Hebrearja 4:3

Mer, kay patsah, hoy o Devel penas, mer vah an o Debleskro them. I vavarendar penell lo: An miri rholi dom man sovel, oun penom: Yon venn gar dren an miro them, kay vans le hako tsiro pash mande khere. Kava them hi koy yaake rah, har o Devel o bolepen oun i phoub kras. Lauter his kerdo, har yob o bolepen oun i phoub an shob divessa kras.

Josua 11:20

O baro Deblestar vas, te kran kol menshe pengre djia har bar, yaake te djan le an o kourepen khatar o Israel, oun van halauter lendar maredo. I Israelitarya hounte van lenge gar lačes. Na-a, yon hounte dan len halauteren moulo, yaake har o baro Devel kova ap o Mose penas.