Jesaja 14:20 - O Debleskro Lab 2024 (Sinte-Manouche)

²⁰ Tou kral tiro them paash, oun maral i menshen an tiro them. Doleske veh tou gar paskedo har kol vavar raya, kay an barrengre khera paskedo van. Oun tiri čilači familya vell bistedo hako tsireske.

O Debleskro Drom 2021 (Sinte)

²⁰ Tu kral tiro them paash, un maral i menshen an tiro them. Doleske weh tu gar paskedo har kol wawar raja, kai an barrengre khera paskedo wan. Un tiri tchilatchi familja well bistedo hako tsireske.

Jesaja 14:20 ပူးပေါင်းရင်းမြစ်များ

2. Rajengro liil 9:35

Har yon kote djan, te paskrenn le lat, hatsan yon latar či har i kokale o sherestar, i heryendar oun i vastendar.

Hiob 18:16

Yob hi har i rouk: Tella merell leskro drab tele, oun pral venn leskre patria djelto.

Hiob 18:17

Kek ap i tseli phoub djinell gomme, koon yob his. Pash hakeneste vell lo bistedo.

Hiob 18:19

Leske ačell kek čavo, vitar kek čavengro čavo mank peskre menshende. Kote, kay djivas lo, ačell kek lendar djido.

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

Debleskri gili 21:10

Tou rhačreh len har an i bobeskri yag, an ko tsiro, kay tou moukeh tout te dikell. Tiri rholi rhačrell har i yag, oun rhal len pre.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Sikepaskro 6:3

Nay vell i morsh, koleske venn sheel čave boldo, oun yob djivell boud bersha. Te vals lo yaake phouro oun vals gar barhtelo pral o lačepen an peskro djipen, oun leske vals vitar kek paskepen kerdo, kolestar penau me: I ternepen, kay moulo boldo vas, djal feteder har leske.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 31:2

Ninna yob hi gosevo oun djinell hoy lo krell. Yob bičrell i bibarht, oun lell gar peskre laba pale, kolentsa yob len trad das. I čilačen dell lo i phagi oun ninna kolen, kay lenge ap i rig van.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.