Jesaja 14:2 - O Debleskro Lab 2024 (Sinte-Manouche)

² Oun menshe dran vavar themma anenn i Israelitaryen an ko them pale, hoy o baro Devel len das. Oun kol vi-themarya, morsha oun djouvya, venn lengre boudepangre. Oun kolla, kay i Israelitaryen pandles krik lan, kolen lenn yon pandles, oun venn i raya pral kolende, kay rikran len tele.

O Debleskro Drom 2021 (Sinte)

² Un menshe dran wawar themma anenn i Israelitarjen an ko them pale, hoi o baro Dewel len das. Un kol wi-themarja, mursha un djuwja, wenn lengre budepangre. Un kolla, kai i Israelitarjen pandles krik lan, kolen lenn jon pandles, un wenn i raja pral kolende, kai rikran len tele.

Jesaja 14:2 ပူးပေါင်းရင်းမြစ်များ

Esra 2:65

Vin lino his lengre boudepangre: Kolla his 7.337 (efta-zerya-triin-sheel-te-triyanda-te-efta) morsha oun djouvya: Koy pashel van lengre gipangre: 200 (douy-sheel) morsha oun djouvya.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

Jesaja 18:7

An ko tsiro venna kol morsha, kay yaake baro oun djeteha dren maklo hi, dran koy natsyona, kolendar i menshe darenna an hake themma, kolla, kay bari zoryah i vavarende khetne stakrenn, oun an kolengro them bare lengste panya nashenna. Yon venna oun anenn kouč koova o baro Debleske, ko rayeske pral o bolepen oun i phoub. Kova anenn le pash i berga Sion, kote kay yob khere hi.

Jesaja 31:8

I Assirya venn dino o rhareha. Kek rharo, hoy i mensho hadell, marell len. Na-a, o Debleskro rharo dell len moulo. Oun yon nashenn penge glan ko rharo, oun lengre terne morsha venn tapedo oun venn pandle boudepangre.

Jesaja 45:14

Kava penell o baro Devel: O bravlepen dran o them Egiptia, oun kova, hoy i menshe dran Etiopia dren lan, vell pash toute, te vell lo tiro. Oun kol bare zorele morsha dran Seba venn tire boudepangre. Pandles shellentsa venn le pash toute, oun vitsrenn pen glan toute ap i phoub, oun penenn: Kokres pash toute hi o Devel, oun dell kek vavar devel.

Jesaja 49:22

Kava penell o baro Devel, maro ray: Dik, me hadau miro vast oun miri themeskri plarhta pre, te sikrap i menshende an vavar themma, hoy te krenn le. Oun palle venn le oun hidjrenn tire morsh čaven ap i moussi pash toute, oun tire čen hidjrenn le ap pengri phik pash toute.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

Jesaja 49:25

Kava hi kova, hoy vell, penell o baro Devel: Ninna ko zorelo morsheske venn leskre pandlen krik lino. Oun kolen, hoy ko zorelo ray randas, venn leske krik tserdedo. Kolla, kay kourenn pen touha, kolentsa kourau me man, oun tire čaven lau dran lengre vasta vin.

Jesaja 54:3

Tiri familya vell bareder oun bareder oun len hounte vell boudeder platsa ap i čači rig oun ap i servi rig. Oun tire čave tradenn vavar menshen vin, oun djivenn pale an kol forya, hoy paash dino van.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Jesaja 60:4

Dik trouyel, oun dik, hoy djal! Tire menshe venn khetne, te djan le khere. Tire morsh čave venn foun doural, oun tire ča venn hidjedo ap moussya.

Jesaja 61:5

Vi-themarya venna oun denn yak ap t'mare bakre, oun boudrenn t'menge ap i harhetikri phoub oun ap o drakengro them.

Jesaja 66:12

Kava penell o baro Devel ap o foro Yerusalem: Dik, me moukau boud lačepen pral toute te vell har i lengsto pani. Oun o bravlepen dran vavar themma nashell an toute har i divyo pani. Me dau garda ap toute har i day ap peskro ternepen, hoy hidjrell li ap i vasta, oun čivell les ap peskre herya oun khelell leha.

Jeremia 30:16

Tou hounte djiness, kolla lauter, kay rhan tout, venn ninna rhalo. Oun lauter, kay kran tout daar, venn pandles krik anlo. Oun kolla, kay čoran tiro koova, venn ninna vin čoredo. Oun kolla, kay randan tout, venn ninna randedo.

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Ezekiel 39:10

Oun yon hounte lenn bouder kek kasht an o veesh khetne, vitar gar hounte denn le rouka tele, te vell len yagakro kasht. Na-a, kol karmangre lenn le oun krenn lentsa pengri yag. Oun yon randenn kolen vin, kay kaman len vin te randell. Kolla, kay kaman pash lende te čorell, venn kanna lendar vin čoredo. Kava penell o baro Devel, maro ray.

Daniel 7:18

Oun pal lende lenn i vi-rodede menshe o pralstouno Deblestar i rayeskri zoor pral i tsele menshende oun lengre themma. Oun koy zoor ačell lenge hako tsireske, oun vell lendar gar krik lino.”

3. Mose 25:44

Te kameh touke boudepangre te ginell, morsha oun djouvya, palle gin len kol vavar menshendar, kay an i themma troul t'mende djivenna,

Obadja 1:17

Ap i berga Sion djivenn kolla, kay vin lino van dran o merepen. Oun i berga hi pale o baro Debleske kokres. O Yakobeskre čave lenn o them pale penge, hoy lenge randedo vas.

Zakarie 2:13

Denn garda! Me dau len trad miro vasteha, te venn le čoredo kolendar, kay hounte boudran lenge.” Palle dikenn t'mer, kay o baro Devel, ko ray pral o bolepen oun i phoub, kova hi, kay bičras man.

Zakarie 2:9

Me kokres, penell o baro Devel, vau i yagakri massouri troul o foro, oun djivau kote, oun krau ko foro zorelo oun shoukar.”

Louka 12:45

“Ko boudepaskro, te penell lo ap peste: Miro ray vell gar yaake sik pale, oun yob dell kol vavar boudepangren dava, oun rhal oun piyell pes mato,

Remarja 15:27

Kol love dan le pengro tselo djiyestar. I patsle an o foro Yerusalem penan o Debleskro lačo lab kolenge, kay kek bibolde hi. Yaake hounte denn i patsle, kay kek bibolde hi, i biboldende lauter kova, hoy hounte vell len djipaske. Koya hi lengri siyaan.

2. Korintarja 10:5

Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash.

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Efesarja 4:8

Doleske hi an o Debleskro lab činlo: Har yob pre an o bolepen djas, las lo kolen peha, kay leskro van, oun das len i boudi o Debleske te krell.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.