Jesaja 14:19 - O Debleskro Lab 2024 (Sinte-Manouche)

¹⁹ Tou hal an i čik vitsedo, har i kotar kasht krik vitsedo hi. Tout hi kek mouleskro kheer, hal rido har kolla, kay van maredo o rhareha, hal vitsedo lentsa an i barrengri phoub oun khetne stakedo.

O Debleskro Drom 2021 (Sinte)

¹⁹ Tu hal an i tchik witsedo, har i kotar kasht krik witsedo hi. Tut hi kek muleskro kheer, hal rido har kolla, kai wan maredo o chareha, hal witsedo lentsa an i barrengri phub un khetne stakedo.

Jesaja 14:19 ပူးပေါင်းရင်းမြစ်များ

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

1. Rajengro liil 21:24

Koon o Ahabeskre čavendar an o foro merella, koles rhan i djoukle. Oun koon vin glan o foro merella, koles rhan i divye čirkle.”

2. Rajengro liil 9:25

O Yehou penas ap peskro lourdeste, o Bidkar: “Le les pre oun vitse les ap ko kotar them, hoy his ko morshes Nabot dran Yesreel! Mange vas an o shero, hoy o baro Devel ap o Yorameskro dad, o Ahab, penas, har ouleram mer douy ap i vourdin pal leste.

Jesaja 13:15

Koon an o foro Babilon hatslo vell, vell tele čourye dino. Oun koon tapedo vell, vell o rhareha moulo dino.

Jesaja 14:18

I tsele themengre raya van shoukar paskedo, hakeno an peskro moulengro kheer.

Jesaja 34:3

Oun kolla, kay temerl dino van, ačenn čiddo oun venn gar paskedo. Oun o khand lendar djal pre, oun ko rat lendar nashell i berge tele har pani.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jeremia 16:6

Kol bare oun kol tikne hounte merenn an kava them, oun venn gar paskedo. Oun kek rovell pral lende. Oun kek činell pes ratles lenge oder činell peskre tsele balla lenge tele.

Jeremia 22:19

Yob vell gar paskedo, yob vell krik tserdedo har i mouli bourika, oun vin vitsedo glan i voudya o forestar Yerusalem.

Jeremia 41:7

Har yon an o foro van, maras len o Ismael, yob oun kol morsha, kay pash leste his, oun vitsran len an i brounna.

Jeremia 41:9

Koy brounna, kay vitsras o Ismael kol moule morshen, kay lo maras, ninna o Gedalyes, koy brounna hi koya, kay o baro ray Asa moukas te krell, har his lo an o kourepen o baro rayeha pral o them Israel, leskro lab his Baasha. Koy brounna kras o Ismael pherdo kol morshendar, kay maras lo.

Jeremia 51:4

Palle hi i moule lourde čiddo an o tselo them Babilonia, oun tele čourye-dine ap i dromma.

Ezekiel 32:23

Yon hi paskedo an i telstuneder platsa an o moulengro them. Troul leste trouyel hi le paskedo. Maredo o rhareha hi le halauter, kolendar i vavaren bari daar his an ko tsiro, har le djido his.

Ezekiel 32:27

Oun yon hi gar kote čiddo, kay i zorele kourepangre čiddo hi, kay an o phouro tsiro meran, oun khetne pengre karmangre paskedo van. Kolenge van lengre rhare tel lengre sherya čiddo. Oun lengre shilte van pral lengre kokale čiddo. Har le djido his, his le zorele kourepangre, kolendar i vavar daran.