Jesaja 13:19 - O Debleskro Lab 2024 (Sinte-Manouche)

¹⁹ O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

O Debleskro Drom 2021 (Sinte)

¹⁹ O Babilon his i shukester foro mank i rajengre themma. Koleha sharenn pen i Kaldearja. O Dewel krell kau foro paash, jaake har lo i forja Sodom un Gomorra paash kras.

Jesaja 13:19 ပူးပေါင်းရင်းမြစ်များ

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

1. Mose 19:25

Yaake rhačras yob kol forya oun ko tselo them pash o pani Yordan. I tsele menshe an kol forya oun o tselo zenlepen ap ko them vas rhačedo.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jesaja 47:5

Rike tiro mouy, oun besh tout tele, Babilon! Khate tout an i kali rati! Tou vell bouder gar kharedo Rayetsa pral boud themma.

Jesaja 48:14

Avenn t'mer lauter khetne, oun shounenn! Kek t'mare rhorhene deblendar penas kova glan-vi: Me, o baro Devel, rodom o Cyrus vin, te krell lo o themeha Babilonia, hoy kamau, oun te sikrell lo miri zoor ap kolende an o them Kaldea.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Jeremia 49:18

Yaake har djas i foryenge Sodom oun Gomorra oun kol foryenge troul lende, yaake djal ninna o themeske Edom: Ko them vell yaake paash dino, kay nay djivell bouder kek mensho koy. Oun kek mensho krell pes kote i kheer. Kova penell o baro Devel.

Jeremia 50:40

Yaake har das o Devel i forya Sodom oun Gomorra khetne, ninna kol forya troul lende, yaake djal ninna o themeske Babilonia: Ko them vell yaake paash dino, kay nay djivell bouder kek mensho koy. Kova penell o baro Devel.

Jeremia 51:26

Kek barra hi mank lende, kay hi yaake lačo, te čivenn le i kheer ap lende pre, oun hoy nashte hidjrenn i kheer. Hako tsireske ačell toutar či har barra pral. Kova penell o baro Devel.

Jeremia 51:29

I phoub trissella oun darella! Kova, hoy o baro Devel pes glan las, vell yaake: O foro Babilon oun o tselo them Babilonia vell i moulo them, kay bouder kek nay djivella.

Jeremia 51:41

O foro Sheshak hi khetne phagedo! Ko foro, hoy ap i tseli phoub bares an-diklo his, hi dren lino! Har nay vas kova? I menshenge an i vavar themma ačell o rakepen krik i trashatar.

Jeremia 51:62

Oun palle pen: “Baro Devel, tou penal, kay kreh kava foro paash, yaake kay kek nay djivella bouder kate, kek mensho oun kek firho. Tou penal, te vell kava foro i moulo foro hako tsireske.”

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

Remarja 9:29

Kova hi yaake har o Debleskro rakepaskro, o Yesaya, penas: Te moukals o Devel, ko ray pral o bolepen oun i phoub, gar čave mendar te ačenna pral, palle merans mare tsele menshe yaake har i menshe an i forya Sodom oun Gomorra.

5. Mose 29:23

Palle penenn i menshe dran i tsele vavar themma: “Hoske kras o baro Devel kava kau themeha? Hoske vas lo yaake rhoyedo?”

Debleskro tsiro 18:11

Oun i bikepangre oun i parepangre ap kay phoub rovenna pral leste, oun denna pengre vasta khetne pral o shero. Kek kamell bouder lengro koova te ginell:

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”