Jesaja 13:17 - O Debleskro Lab 2024 (Sinte-Manouche)

¹⁷ Me, o baro Devel, dau i menshenge an o them Media an o dji, te djan le ap kolende pre an o them Babilonia. Kolla denn či ap roup, oun poučenn gar pal o sonakay.

O Debleskro Drom 2021 (Sinte)

¹⁷ Me, o baro Dewel, dau i menshenge an o them Media an o dji, te djan le ap kolende pre an o them Babilonia. Kolla denn tchi ap rup, un putchenn gar pal o sonakai.

Jesaja 13:17 ပူးပေါင်းရင်းမြစ်များ

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Jesaja 41:25

Me dom i rayes gole, te vell lo peskre lourdentsa foun kotar, kay o kham gar diklo vell. Oun yob vas dran peskro them, hoy kote hi, kay o kham pre djala. Oun yob dell gole ap mande, oun stakrell kol vavar bare rayen khetne, har te vans le čik. oun krell lentsa har ko morsh, kay pirya dran čik rhačell, oun glan kova peskre pirentsa ap ko čik stakrell.

Jeremia 25:25

i tsele bare raya an i themma Simri, Elam oun Media;

Jeremia 50:3

Lourde venna dran ko them, hoy kote hi, kay norden hi, oun djan an o kourepen lentsa. Kolla krenn, te vell lengro them i moulo them, yaake kay kek nay djivell kote. I Menshe oun i firhe hounte nashenn penge dran ko them.

Jeremia 50:30

Leskre terne morsha venn maredo ap leskre dromma. Ap ko dives nashrenn leskre tsele kourepangre pengro djipen, penell o baro Devel.

Jeremia 50:42

Len hi boge oun rhare. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Babilon.

Jeremia 50:9

Shounenn, me bičrau boud lourden dran boud themma, kay foun kotar venna, kay norden hi, te kourenn le pen i menshentsa an Babilon. Yon venna oun lenn ko foro dren. Kal lourde denn mishto karye, oun taprenn hako kopo kova, hoy kamenn le te taprell.

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Daniel 5:26

Oun kava hi, hoy i laba kharenna: mene kharell khetne ginlo. O Devel ginas i divessa khetne, kay hal ray; oun ko tsiro hi trouyel.