Jesaja 10:9 - O Debleskro Lab 2024 (Sinte-Manouche)

⁹ Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

O Debleskro Drom 2021 (Sinte)

⁹ Jek foro pal o wawar lom dren: Kalno un Karkemish, Hamat un Arpad, Samaria un Damaskus.

Jesaja 10:9 ပူးပေါင်းရင်းမြစ်များ

1. Mose 10:10

An ko ersto tsiro vas yob o ray pral i forya Babel, Erek, Akkad oun Kalne an o them Shinar.

2. Samuel 8:9

Ko ray pral o foro Hamat – leskro lab his Toy, – his an o kourepen o rayeha Hadad-Eser. Har o Toy kanna shounas, kay maras o David koleskre tsele lourden, bičras lo peskro čaves, o Yoram, pash o baro rayeste David, oun parkras pes pash leste oun moukas les te penell, te vell les boud barht, oun anas peha roupene koola oun sonakangre koola oun save dran lolo saster.

2. Rajengro liil 16:9

Oun o baro ray pral o them Assour shounas ap leste oun djas pral pash o foro Damaskus oun las les dren. Oun moukas kol menshen, kay kote djivan, pandles krik te anell an o foro Kir, oun maras o baro rayes Rezin.

2. Rajengro liil 17:24

Har i Israelitarya dran o them Samaria krik anlo van, moukas o baro ray pral o them Assour menshen dran vavar forya te vell, te djivenn le kote. Kolla van dran i forya Babilon, Kouta, Ava, Hamat oun Sefarvayim, oun djivan kanna an kol forya an o them Samaria. Oun yaake lan le kava them dren.

2. Rajengro liil 18:34

Kay hi kanna kol debla dran i forya Hamat oun Arpad? Kay hi kanna i debla dran i forya Sefarvayim, Hena oun Ava? Kay hi kanna i debla dran Samaria? Lan le Samaria vin dran miro vast?

2. Familjakro liil 32:14

Kek kol tsele deblendar an kol themma, hoy dan mire phoure khetne, nay las peskre menshen dran miro vast. Har nay penenn t'mer, kay t'maro Devel t'men dran miro vast nay lella?

2. Familjakro liil 35:20

Pal ko tsiro, kay o Yosia o baro Debleskro kheer djoudjes kras, djas o Neko, ko baro ray pral o them Egiptia, vin peskre lourdentsa, te kourell lo pes o foreha Karkemish, hoy pash o pani Eufrat čiddo hi. Oun o Yosia djas vin leske an o drom.

Jesaja 10:8

Yob penas: “Čačepah, mire tsele pralstoune lourden hi yaake boud penepaske har bare raya.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jesaja 17:3

Troul i forya an Israel hi bouder kek massourya. Oun o foro Damaskus hi kek rayeskro foro bouder. Kol Syrarya, kay ačenn djido, lenge djal yaake har i Israelenge. Lengro raylepen ačell gar. Kova penell o baro Devel, ko ray pral o bolepen oun i phoub.

Jesaja 33:8

I dromma hi vi-meredo, oun kek djal bouder gar koy. Kolla, kay vin kran, te rikrenn le khetne, rikrenn gar pengro lab. Oun ap kolende, kay koy pashel his, har kova vin kerdo vas, vell gar shounlo. I menshengro djipen hi lenge či moldo.

Jesaja 36:19

Kay hi kanna kol debla dran i forya Hamat oun Arpad? Kay hi kanna i debla dran Sefarvayim? Kay hi kanna i debla dran Samaria? Lan le Samaria vin dran miro vast?

Jesaja 37:11

Tou djineh, hoy i bare raya dran o them Assour an i tsele themma kran, har le halauteren maran, oun tou patseh, te vess kokres vin lino dran o merepen?

Jesaja 37:13

Oun kay hi kanna i bare raya pral i forya Hamat, Arpad, Sefarvayim, Hena oun Ava?”

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jeremia 46:2

An o starto bersh, har o Yoyakim, koleskro dad o Yosia his, ko baro ray pral o them Youda his, rakras o baro Devel pral o them Egiptia. Koy his i lourde o Faraestar Neko, ko baro ray pral o them Egiptia, pash o pani Eufrat tardo pash o foro Karkemish. Oun o Neboukadnezar, ko baro ray dran o them Babilonia, kouras pes lentsa oun das len.

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

Ezekiel 47:16

oun doureder bis pash i forya Berota oun Sibrayim, hoy kote čiddo hi, kay o them troul Damaskus khetne vell ko themeha troul Hamat. Foun kotar djal o them Israel doureder bis pash o foro Hazar-Enan, hoy pash o them čiddo hi, hoy troul i berga Hauran hi.

Habakuk 1:10

Yon sanenn pral i bare rayende oun pralstunende an vavar themma. Kol tsele forya, kay zorele massurya troul lende tardo hi, hi lenge har čičeske; yon čivenn čik pre glan i massurya, oun djan pral vergel, oun lenn kol forya dren.

4. Mose 34:8

Oun kotar doureder bis kote, kay djal an Hamat, oun doureder pash Zedad,