Jesaja 10:33 - O Debleskro Lab 2024 (Sinte-Manouche)

³³ Dikenn, har o baro Devel, ko ray pral o bolepen oun i phoub, peskri bari zoryah len tele dell har yek i kashta i roukendar tele dell, oun i bare rouka trouyel dell. Oun kolla, kay pen pre hadan, venn tiknes kerdo.

O Debleskro Drom 2021 (Sinte)

³³ Dikenn, har o baro Dewel, ko rai pral o bolepen un i phub, peskri bari sorjah len tele dell har jek i kashta i rukendar tele dell, un i bare ruka trujel dell. Un kolla, kai pen pre hadan, wenn tiknes kerdo.

Jesaja 10:33 ပူးပေါင်းရင်းမြစ်များ

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Jesaja 18:5

Ap ko tsiro, kay i drake bares venn, glan kova kay le dren lino venn, činell o baro Devel peskro čouryeha i neve kashta tele. Ninna kolla, kay lengsto oun sano hi, dell lo tele.

Jesaja 32:19

Ninna te denn brishineskre barra o veesh paash, oun o foro djal tele,

Jesaja 33:3

I menshe dran vavar themma nashenn penge, te shounenn le tiri gole. Te steh tou pre an tiri zoor, venn le krik tradedo ap hake rigya.

Jesaja 37:38

Oun har lo an-mangas an o kheer leskro deblestar, o Nisrok, dan les leskre čave, o Adrammelek oun o Sharezer, moulo o rhareha. Oun yon nashan penge krik an o them Ararat. Oun leskro čavo Asarhaddon vas baro ray pal leste.

Jesaja 5:15

Oun yaake vell o mensho tikno, oun hounte dikell dren, te hi lo či. Oun kolla, kay dikan tele ap i vavarende, hounte čivenn pengre yaka tele pherdi ladj.

Jeremia 22:7

Me bičrau lourden pash toute, kay krenn tiro kheer paash; hakenes lendar hi peskro tover an o vast oun dell kol vi-rodede pesse kashta an kotya oun vitsrell len an i yag.

Ezekiel 31:3

Tou hal har o them Assour his – har i baro cedertikro rouk ap i berga Libanon shoukar bourhle zenele kashtentsa, kay nay khatrenn le pen tel lende glan o kham. Oun yob his yaake baro, te djas lo doureder pral har i vavar rouka an o veesh.

Amos 2:9

Djinenn t'mer gar, mire menshe, his t'menge, kay tradom i Amorarya glan t'mende krik, kolen, kay his yaake baro oun zorelo har rouka. Či ačas lendar pral.

Nahum 1:12

Kava penell o baro Devel ap peskre menshende: Ninna te hi kol kourepangre boud oun zorelo, kay venn, te kourenn le pen t'mentsa, yon venn khetne dino oun merenna. T'mende dom i phagi – kanna hi doha! Kanna krau me kova gar bouder.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”