Jesaja 10:32 - O Debleskro Lab 2024 (Sinte-Manouche)

³² I lourde dran o them Assour ačenn an o foro Nob. Lengro baro ray hadell peskro vast, te dell lo trad o fores Yerusalem ap i berga Sion.

O Debleskro Drom 2021 (Sinte)

³² I lurde dran o them Assur atchenn an o foro Nob. Lengro baro rai hadell peskro wast, te dell lo trad o fores Jerusalem ap i berga Zion.

Jesaja 10:32 ပူးပေါင်းရင်းမြစ်များ

2. Familjakro liil 32:1

Har o Hiskiya kova lauter kras, oun yaake sikras, te rikrell lo pes peskro tselo djiyeha ap o Debleste, koy vas o Sanherib, ko baro ray pral o them Assour, oun peras peskre lourdentsa an o them Youda dren. Oun yon čivan pen troul i zorele forya, te lenn le len penge dren.

2. Familjakro liil 32:2

Oun har o Hiskiya dikas, kay o Sanherib peskre lourdentsa vas, te kourell lo pes o foreha Yerusalem,

Nehemia 11:32

Anatot, Nob, Ananya,

Jesaja 1:8

Kokres o foro Yerusalem ačas pral, i foro troul koleste i lourde tardo hi. Ko foro hi kokres har i tikno kheer an i drakengro them, har i kheer, kay yek yak dell an i rati ap kova, hoy ap peskri phoub bares vell.

Jesaja 10:24

Doleske penell o baro Devel, ko ray pral o bolepen oun i phoub, ap peskre menshende, kay ap i berga Sion djivenn: Ma darenn i lourdendar dran o them Assour, ninna te denn le t'men pengre kashtentsa oun hadenn len pre, te denn le t'men trad, yaake har kova i Egiptarya ninna kran.

Jesaja 10:31

I menshe an o foro Madmena nashenn penge. Kolla kay an o foro Gebim djivenn, nashenn pengro djipaske.

Jesaja 11:15

Oun o baro Devel moukell i kotar o baro panyestar pash o them Egiptia trouk te vell. Oun leskro vast moukell i zorelo tato dourho pral o pani Eufrat te djal, te ačenn lestar kokres efta tikne panya pral, hoy nashenn, yaake te nay djan le pengre kirrhentsa koy vergel.

Jesaja 13:2

Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

Jesaja 16:1

Bičrenn bakre dran Sela an o moulo tato them pash o rayeste an o them Youda ap i berga Sion!

Jesaja 19:16

Ap ko dives darenn i Egiptarya har djouvya; yon trissenn i trashatar glan o baro Debleste, ko rayeste pral o bolepen oun i phoub, ap ko dives, kay hadell lo peskro vast, te dell lo len.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jesaja 29:2

Me anau yaake boud traash ap o foro Ariel, te denn t'mer bari gole, oun denn i vasta khetne pral o shero. Oun palle vell o foro i čačo rhačepaskro bob mange.

Jesaja 37:22

Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

Jesaja 8:8

Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Jeremia 6:23

Lengre lourde kourenn pen i bogentsa oun i rharentsa. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Sion!

Micha 1:9

O doukepen o forestar Samaria nay vell gar sasto. Koy bibarht vell ninna an o them Youda, oun taprell o foro Yerusalem, ko foro mire menshendar.

Zakarie 2:9

Me kokres, penell o baro Devel, vau i yagakri massouri troul o foro, oun djivau kote, oun krau ko foro zorelo oun shoukar.”

1. Samuel 21:1

Oun o David kras pes ap o drom oun djas peske. Oun o Yonatan djas pale an o foro.

1. Samuel 21:2

Oun o David vas an o foro Nob. Oun kote djas lo pash o rashayeste Ahimelek. Oun kova trissas i daryatar glan leste oun poučas lestar: “Hoske veh tou kokres, oun kek hi pash toute?”

1. Samuel 22:19

Ninna an o foro Nob, kay i rashaya djivan, moukas o Saul lauteren te marell o rhareha, morshen oun djouvyen, čaven oun ternepen. Ninna i groumyen oun i bourike oun i bakre das lo o rhareha moulo.

1. Samuel 22:9

Kote penas ko Edomari, o Doeg, kay mank i boudepangre pash o Saul tardo his: “Me dikom o Isayeskro čaves, har vas lo an o foro Nob pash o Ahimelek, koleskro dad o Ahitoub hi.